జగిత్యాల జిల్లా మెట్పల్లి, కోరుట్లలో బంద్ ప్రశాంతంగా కొనసాగుతోంది. తెల్లవారుజామున రెండు డిపోల వద్ద బస్సులు బయటకు వెళ్లకుండా తెరాస నాయకులు అడ్డుకున్నారు. వర్తక, వాణిజ్య వ్యాపారులు బంద్కు సహకరించాలని తెరాస నాయకులు కోరారు.
బంద్ వల్ల రహదారులన్ని నిర్మానుష్యంగా కనిపించాయి. ఎలాంటి అవాంఛనీయ ఘటనలు చోటుచేసుకోకుండా ప్రధాన కూడళ్ల వద్ద పోలీసులు బందోబస్తు నిర్వహిస్తున్నారు. కేంద్రం ప్రవేశపెట్టిన రైతు వ్యతిరేక చట్టాలను వెంటనే ఉపసంహరించుకోవాలని తెరాస నాయకులు డిమాండ్ చేశారు. కర్షకులకు న్యాయం జరిగే వరకు వారి పోరాటానికి తెరాస మద్దతు ఉంటుందని స్పష్టం చేశారు.
