బాలయ్య కెరీర్​లోనే హైయ్యెస్ట్ ఓపెనింగ్స్- 'డాకు' ఫస్ట్​ డే కలెక్షన్స్ ఎంతంటే?

'డాకు మహారాజ్' తొలి రోజు వసూళ్లు- ఎన్ని కోట్లంటే?

Daaku Maharaaj Day 1 Collections : 'డాకు మహారాజ్​'తో సంక్రాంతి బరిలో నిలిచిన నందమూరి బాలకృష్ణ మంచి విజయ సొంతం చేసుకున్నారు. బాబి కొల్లి దర్శకత్వం వహించిన ఈ సినిమా జనవరి 12న రిలీజై సూపర్ హిట్ టాక్ దక్కించుకుంది. తొలి షో నుంచే మంచి రెస్పాన్స్ రావడం వల్ల ఫస్ట్ డే థియేటర్లు దాదాపు ఫుల్ ఆక్యుపెన్సీతో రన్ అయ్యాయి. దీంతో డాకు భారీ స్థాయిలోనే ఓపెనింగ్స్ సాధించింది.

ఈ సినిమా తొలి రోజు వరల్డ్​వైడ్​గా రూ. 56 కోట్లు (గ్రాస్) సాధించినట్లు మేకర్స్ అధికారికంగా ప్రకటించారు. కాగా, బాలయ్య కెరీర్​లో ఇదే బిగ్గెస్ట్ ఓపెనింగ్స్​గా నిలిచింది. ఈమేరకు మేకర్స్ ఓ పోస్టర్ రిలీజ్ చేశారు. 'డాకు మహారాజ్ మంచి రెస్పాన్స్​తో​ ఈ సంక్రాంతికి క్లీన్​ హిట్ సొంతం చేసుకుంది. వరల్డ్​వైడ్​గా తొలి రోజు రూ.56+ కోట్లు వసూల్ చేసింది' అని క్యాప్షన్ రాసుకొచ్చారు.

#DaakuMaharaaj sets the box office on fire and owns SANKRANTHI with Thunderous BLOCKBUSTER ❤️‍🔥

𝟓𝟔 𝐂𝐫𝐨𝐫𝐞𝐬+ 𝐖𝐨𝐫𝐥𝐝𝐰𝐢𝐝𝐞 𝐆𝐫𝐨𝐬𝐬 𝐨𝐧 𝐃𝐀𝐘 𝟏 🪓🔥#BlockbusterHuntingDaakuMaharaaj – THE BIGGEST OPENING for #NBK garu 🧨

That’s how 𝑮𝑶𝑫 𝑶𝑭 𝑴𝑨𝑺𝑺𝑬𝑺… pic.twitter.com/nz3eSZM46a

— Sithara Entertainments (@SitharaEnts) January 13, 2025

ఓవర్సీస్​లోనూ హవా
ఓవర్సీస్​లోనూ బాలయ్య మేనియా నడుస్తోంది. ఓవర్సీస్‌లో టికెట్స్ ఓపెన్‌ చేసిన నాటినుంచి బుకింగ్స్‌లో డాకు సత్తా చాటుతోంది. ఈ క్రమంలోనే USAలో తొలిరోజే ఈ సినిమా 1 మిలియన్ డాలర్ల క్లబ్​లో చేరిపోయింది. ఈ విషయాన్ని తెలుపుతూ మేకర్స్ స్పెషల్ పోస్టర్ రిలీజ్ చేశారు.

రెండ్రోజుల్లో ఆ మైలురాయి
సూపర్ హిట్ టాక్ సొంతం చేసుకున్న డాకు రెండో రోజూ డీసెంట్ ఆక్యూపెన్సీతో రన్ అవుతోంది. దీంతో మరో రెండు, మూడు రోజుల్లోనే డాకు రూ.100 కోట్ల క్లబ్​లో చేరడం ఖాయమని ట్రేడ్ వర్గాలు అంచనా వేస్తున్నాయి. ఇక లాంగ్​ రన్​లో ఈజీగా రూ.200 కోట్ల మార్క్ దాటుతుందని అంటున్నారు.

కాగా, ఈ సినిమాలో ప్రగ్యా జైస్వాల్, శ్రద్ధ శ్రీనాథ్ హీరోయిన్లుగా నటించారు. ఊర్వశీ రౌతెలా స్పెషల్ సాంగ్​లో బాలయ్యతో కలిసి ఆడిపాడారు. బాలీవుడ్ స్టార్ నటుడు బాబీ దేఓల్ కీలక పాత్రలో కనిపించారు. ఎస్ఎస్ తమన్ సంగీతం అందించారు. సితార ఎంటర్టైన్మెంట్ బ్యానర్​పై నిర్మాత నాగవంశీ ఈ సినిమా నిర్మించారు. ఇక ఈ సినిమాకు ప్రీక్వెల్ కూడా తెరకెక్కించే ప్లాన్​లో ఉన్నట్లు నిర్మాత నాగవంశీ రీసెంట్​గా చెప్పారు.