Grok AI App Launched for iOS Devices in India: ఎలోన్ మస్క్ తన AI ప్లాట్‌ఫామ్ గ్రోక్ కోసం కొత్త యాప్ను ప్రారంభించారు. ఇది భారత్, అమెరికాతో సహా అనేక దేశాలలో ఐఫోన్, ఐప్యాడ్ వినియోగదారులకు ప్రస్తుతం అందుబాటులో ఉంది. దీన్ని యాపిల్ యాప్ స్టోర్ నుంచి డౌన్లోడ్ చేసుకోవచ్చు. ఇప్పటివరకు గ్రోక్ AI కోసం ప్రత్యేక యాప్ లేదు. బదులుగా ప్రజలు దానిని ఉపయోగించేందుకు మైక్రో బ్లాగింగ్ ప్లాట్‌ఫామ్ X (పాత పేరు ట్విట్టర్)కి వెళ్లాల్సి వచ్చేది.
గ్రోక్ AI కోసం యాప్ లాంఛ్: లార్జ్ లాంగ్వెజ్ మోడల్స్ అంటే భారత్ సహా ప్రపంచవ్యాప్తంగా ఉన్న AI చాట్బాట్లు వాటికి సొంత యాప్స్ను కలిగి ఉన్నాయి. ఉదాహరణకు ChatGPT, Copilot, Google Gemini మొదలైనవి. ఈ AI ప్లాట్ఫారమ్లు iOS, Android ఆపరేటింగ్ సిస్టమ్‌లలో అందుబాటులో ఉన్నాయి. కానీ ఎలోన్ మస్క్ AI గ్రోక్ మాత్రం తన సోషల్ మీడియా ప్లాట్‌ఫామ్ Xలో మాత్రమే అందుబాటులో ఉండేది.
ఇప్పుడు iOS వినియోగదారులకు అందుబాటులో ఉన్న Grok AI కోసం ఒక ప్రత్యేక యాప్ను తీసుకొచ్చారు. యూజర్లు ఈ యాప్ను తమ ఐఫోన్‌లో డౌన్లోడ్ చేసుకోవచ్చు. ఇందుకోసం ఇప్పుడు X (ట్విటర్) ఓపెన్ చేయాల్సిన అవసరం లేకుండానే ఏదైనా ఇతర AI యాప్ ద్వారా దీన్ని ఉపయోగించుకోవచ్చు. అయితే ప్రస్తుతం ఈ యాప్ ఆండ్రాయిడ్ వెర్షన్‌లో అందుబాటులో లేదు. కానీ త్వరలో ఇది ఆండ్రాయిడ్ వినియోగదారులకు కూడా అందుబాటులోకి వస్తుందని సమాచారం.
'Grok AI' యాప్ స్పెషల్ ఫీచర్లు:
- ఐఫోన్ యూజర్లు Grok AI యాప్ను డౌన్లోడ్ చేసుకునేందుకు ఎలాంటి సబ్‌స్క్రిప్షన్ తీసుకోవాల్సిన అవసరం లేదు.
- ఈ యాప్ ప్రస్తుతం iOS డివైజ్లకు మాత్రమే అందుబాటులో ఉంది.
- వినియోగదారులు ఈ యాప్ను యాపిల్ యాప్ స్టోర్ నుంచి డౌన్లోడ్ చేసుకోవచ్చు.
- ఆ తర్వాత యూజర్లు వారి ఇమెయిల్ అడ్రస్, యాపిల్ అకౌంట్ లేదా ఏదైనా ఇతర సపోర్టెడ్ ప్లాట్‌ఫారమ్‌లను ఉపయోగించి ఈ AI యాప్‌లోకి లాగిన్ అవ్వొచ్చు.
- ఏదైనా ప్రశ్నకు సమాధానం ఇవ్వడానికి, ఇమేజ్లను రూపొందించేందుకు ఈ యాప్లో అందుకు సంబంధించిన టూల్స్ కూడా అందుబాటులో ఉంటాయి.
- ఈ యాప్లో సబ్‌స్క్రిప్షన్ ప్లాన్ కూడా ఉంది. సబ్‌స్క్రిప్షన్ చేసుకున్న తర్వాత వినియోగదారులు అధునాతన ఫీచర్‌లను పొందుతారు.
2023లో ప్రారంభించిన Grok AI: చాట్జీపీటీ, బార్డ్ ఏఐకి పోటీగా ప్రపంచ బిలియనీర్, టెస్లా అధినేత ఎలోన్ మస్క్ Grok AI చాట్బాట్ను నవంబర్ 2023లో ప్రారంభించారు. ఆ సమయంలో ఇది X (ట్విట్టర్)కి లింక్ అయి అదే ప్లాట్‌ఫారమ్‌లో అందుబాటులో ఉండేది. అంతేకకాక మొదట్లో ఈ యాప్ X పెయిడ్ సబ్స్క్రైబర్లకు మాత్రమే అందుబాటులో ఉండేది.
అయితే డిసెంబర్ 2024 నుంచి దీని ఉచిత వెర్షన్ కూడా తీసుకొచ్చారు. అప్పటి నుంచి వినియోగదారులు ఎలోన్ మస్క్ ఈ AI యాప్ను ఫస్ట్ 10 సార్లు ప్రతిరోజూ ఉచితంగా ఉపయోగించుకోగలుగుతున్నారు. అయితే ఈ లిమిట్ దాటిన తర్వాత దాన్ని ఉపయోగించేందుకు పెయిడ్ సబ్స్క్రిప్షన్ను తీసుకోవాల్సి ఉంటుంది.
సరికొత్త టెక్నాలజీతో లగ్జరీ బెంజ్ ఈవీ లాంఛ్- సింగిల్ ఛార్జ్తో 470కి.మీ రేంజ్!
వావ్ స్పోర్టివ్ డిజైన్లో కొత్త పల్సర్ భలే ఉందిగా!- ఫీచర్స్, పెర్ఫార్మెన్స్లో కూడా సూపరంతే!
చౌకైన రీఛార్జ్ ప్లాన్ కోసం చూస్తున్నారా?- రూ.200లోపు ధరలో బెస్ట్ ఇవే!
