'బైడన్​ అధ్యక్షతన అమెరికాలో హిందూ సంస్కృతి వెల్లివిరుస్తుంది'

అగ్రరాజ్య అధ్యక్ష పదవి రేసులో బైడన్​ ముందంజలో ఉండటంపై అమెరికాలో నివసిస్తున్న జగిత్యాల జిల్లాకు చెందిన వేదపండితులు చంద్రశేఖర్​శర్మ ఆనందం వ్యక్తం చేశారు. బైడన్​ అధ్యక్షతన అమెరికాలో హిందూ సంస్కృతి వెల్లివిరుస్తుందని ఆయన అభిప్రాయపడ్డారు.

అమెరికా అధ్యక్ష పదవి రేసులో బైడన్​ ముందంజలో ఉండటం ఆనందదాయకంగా ఉందని, అమెరికాలో హిందూ సంస్కృతి, ఆధ్యాత్మికత వెల్లివిరుస్తుందని అమెరికాలో నివసిస్తున్న జగిత్యాల జిల్లా ధర్మపురికి చెందిన వేదపండితులు చంద్రశేఖర్​శర్మ అభిప్రాయపడ్డారు. శుక్రవారం అమెరికా నుంచి 'ఈటీవీ భారత్'తో మాట్లాడారు. గతంలో 2003 మే నెలలో విలియం సిటీలో మహాలక్ష్మి ఆలయం కుంభాభిషేక కార్యక్రమానికి బైడన్​ సెనేట్​గా హాజరుకాగా ఆయనకు ప్రత్యేక పూజలు నిర్వహించినట్లు తెలిపారు.

రెండు దశాబ్దాల కింద యజుర్వేదం అధ్యయనం చేసి డబ్లిన్​ సిటీలో పూజారిగా స్థిరడినట్లు పేర్కొన్నారు. తాను మొదట విలివెంట్​ సిటీలోని మహాలక్ష్మి ఆలయంలో పూజారిగా చేరానని ఆ సమయంలో సెనేట్​గా బైడన్​ కుంభాభిషేక ఉత్సవాల్లో పాల్గొన్నారని అన్నారు. భారత సంస్కృతి, సంప్రదాయాల పట్ల అమితమైన గౌరవముందని సంప్రదాయాలు, వేదాలు, పురాణాలపై ఆసక్తికనబరిచేవారని అన్నారు.

ఇదీ చదవండిః కాస్త.. ఓపిక పట్టండి విజయం మనదే: బైడెన్