'కేసీఆర్ తాతయ్య నీకు కరోనా త్వరగా తగ్గిపోవాలి'

కరోనా సమయంలో ఉపాధి లేక ఇబ్బంది పడుతున్న ప్రైవేటు ఉపాధ్యాయులను ఆదుకునేందుకు ప్రభుత్వం ముందుకు రావడంపై ఇద్దరు చిన్నారులు హర్షం వ్యక్తం చేశారు. కేసీఆర్​కు ధన్యవాదాలు తెలుపుతూ.. ఆయనకు కరోనా తగ్గిపోవాలని ప్లకార్డులు ప్రదర్శించారు.

కేసీఆర్ తాతయ్య నీకు కరోనా తగ్గిపోవాలని కోరుకుంటున్నామంటూ ఇద్దరు చిన్నారులు ప్లకార్డుల ప్రదర్శన చేశారు. జగిత్యాల జిల్లా మెట్​పల్లిలోని సుదర్శన్ ప్రైవేటు ఉపాధ్యాయుడు. ఆయనకు ప్రణవి, సంజన ఇద్దరు కుమార్తెలు. వీరిద్దరూ కేసీఆర్​కు ధన్యావాదాలు తెలుపుతూ... ఆయనకు కరోనా త్వరగా తగ్గిపోవాలని ప్లకార్డులు రాసి ప్రదర్శించారు.

కరోనా సమయంలో ప్రైవేటు ఉపాధ్యాయులను ఆదుకునేందుకు ప్రభుత్వం ప్రతినెల 25 కిలోల బియ్యంతో పాటు కొంత నగదు అందిస్తున్న విషయం తెలిసిందే. ఈ విషయంపై చిన్నారులు కేసీఆర్​కు కృతజ్ఞతలు తెలిపారు. ముఖ్యమంత్రి త్వరగా కోలుకోవాలని భగవంతుని ప్రార్థిస్తున్నట్లు చిన్నారులు వెల్లడించారు.

ఇదీ చూడండి: తల్లి నుంచి బిడ్డకు కొవిడ్ వ్యాప్తి తక్కువే!