కరీంనగర్ జిల్లా రేకుర్తికి చెందిన శ్రీవాణి అనే యువతి కరీంనగర్లోని ఓ కార్యాలయంలో పనిచేస్తోన్న సమయంలో జగిత్యాల జిల్లా మల్యాలకు చెందిన అన్వేశ్తో పరిచయం ఏర్పడింది. అది కాస్తా ప్రేమగా మారడంతో నాలుగేళ్లుగా ఇద్దరూ సహజీవనం సాగించారు. ఈ క్రమంలోనే శ్రీవాణి తనను పెళ్లిచేసుకోవాలంటూ అన్వేశ్పై ఒత్తిడి తేవడంతో అన్వేశ్ నిరాకరించాడు.
ఫలితంగా శ్రీవాణి మల్యాలలోని తన ప్రియుడి ఇంటి ముందు నిరసనకు దిగింది. తనకు న్యాయం జరిగే వరకు ఇక్కడి నుంచి కదిలేది లేదంటూ భీష్మించుకు కూర్చుంది. సదరు యువతిని యువకుడు పెళ్లి చేసుకోవాలంటూ కొందరు మహిళలు యువతికి అండగా నిలిచారు. యువకుడితో పాటు అతడి కుటుంబ సభ్యులు ఇంటికి తాళం వేసి వెళ్లడం వల్ల రాత్రి వరకు యువతి అక్కడే బైఠాయించింది.
