కరోనా మహమ్మారిని తరమికొట్టేలా ప్రజలకు అవగాహన కల్పించేందుకు జగిత్యాల కొత్త బస్టాండ్‌ కూడలి వద్ద చెన్న నాగరాజు అనే చిత్రకారుడు వేసిన బొమ్మ పలువురిని ఆకట్టుకుంటోంది. అతని మిత్రులు సలీం, మంజు, బాబా, రమేశ్‌తో కలిపి తమ సొంత ఖర్చులతో ఈ కరోనా మహమ్మారి బొమ్మను వేసినట్లు వారు చెప్తున్నారు.
ఇంట్లోనే ఉందాం.. పోలీసులకు సహకరిద్దాం.. కరోనాను తరిమి కొడుదాం అనే నినాదంతో వేసిన ఈ బొమ్మను చూసేందుకు స్థానికులు ఆసక్తి కనపరుస్తున్నారు. జగిత్యాల బస్స్టాండ్ కూడలిలో ప్రత్యేక ఆకర్షణగా నిలిచిన ఈ బొమ్మ దృశ్యాన్ని డ్రోన్ కెమెరాలో బంధించారు. చిత్రం ద్వారా ప్రజలకు అవగాహన కలిగిస్తున్న చిత్రకారుల కృషిని జగిత్యాల డీఎస్సీ వెంకటరమణ అభినందించారు.
కరోనా మహమ్మారిపై చిత్రం.. ప్రజల్లో అవగాహన
