జగిత్యాల కాంగ్రెస్ సీనియర్ నేత, ఎమ్మెల్సీ జీవన్రెడ్డి నివాసం వద్దకు పార్టీ శ్రేణులు భారీసంఖ్యలో చేరుకున్నారు. ఆయన జన్మదినాన్ని పురస్కరించుకుని కీలక నేతలు పొన్నం ప్రభాకర్, ఆది శ్రీనివాస్ శుభాకాంక్షలు తెలిపారు. పీసీసీగా బాధ్యతలు అప్పగిస్తున్నారనే సమాచారంతో పార్టీ శ్రేణులు ఆయన నివాసానికి చేరుకుంటున్నట్లు భావిస్తున్నారు.
జగిత్యాలలోని ఆయన నివాసంలో అభిమానుల మధ్య పుట్టినరోజు వేడుకను ఘనంగా జరుపుకున్నారు. కేక్ కట్ చేసి కార్యకర్తలకు పంచారు. అభిమానులు, కార్యకర్తలు పెద్దఎత్తున చేరుకుని పుష్పగుచ్చాలు అందించారు. ఈ రోజు మధ్యాహ్నం రెండు గంటల తర్వాత పీసీసీ ప్రకటన వెలువడే అవకాశమున్నట్లు పార్టీ శ్రేణులు భావిస్తున్నాయి.
