చంద్రబాబు ఏపీకి ప్రతిపక్ష నాయకుడా లేక తెలంగాణకా..?

తెదేపా అధినేత చంద్రబాబుపై వైకాపా ఎంపీ విజయసాయిరెడ్డి విమర్శలు గుప్పించారు. హైదరాబాద్​లో కూర్చొని రాజకీయాలు చేస్తున్న చంద్రబాబు.. ఏపీకి ప్రతిపక్ష నేతనా లేక తెలంగాణకా అని ప్రశ్నించారు. ఇల్లు వదిలి ప్రజలకు సేవలు చేసేందుకు ముందుకు రావాలని హితవు పలికారు.

ఆంధ్రప్రదేశ్​లో సీఎం జగన్ నేతృత్వంలో సుపరిపాలన సాగుతోందని ఆ పార్టీ ఎంపీ విజయసాయిరెడ్డి అన్నారు. విశాఖలో కరోనా వ్యాప్తిని తక్కువ చేసి చూపుతున్నట్టు ప్రతిపక్షాలు అపోహలు సృష్టిస్తున్నాయని విజయసాయి ఆరోపించారు.

ప్రతిపక్ష నాయకుడు హైదరాబాద్​లో కూర్చొని రాజకీయాలు చేస్తున్నారని... ఆయన ఏపీకి ప్రతిపక్ష నాయకుడా లేక తెలంగాణకా అని ప్రశ్నించారు. చంద్రబాబు ఇల్లు వదిలి వచ్చి ప్రజలకు సేవ చేయాలని సూచించారు. ఈ సందర్భంగా విశాఖలోని 21 వ వార్డులో మంత్రులు... అవంతి శ్రీనివాస్, మోపిదేవి వెంకటరమణతో కలిసి కార్మికులు, వార్డు వాలంటీర్లకు సరుకులను పంపిణీ చేశారు.

ఇదీ చదవండి : రాష్ట్రంలో కొత్తగా 31 కరోనా పాజిటివ్‌ కేసులు