Yadamma respond: కావాలనే తప్పుడు ప్రచారం.. ఆ వార్తలను ఖండించిన యాదమ్మ

Yadamma respond: సామాజిక మాధ్యమాల్లో వస్తున్న వార్తలను వంటమనిషి గూళ్ల యాదమ్మ ఖండించారు. కావాలనే కొందరు తనపై తప్పుడు ప్రచారం చేస్తున్నారని ఆమె మండిపడ్డారు. ప్రధాని మోదీకి వంట చేసే అవకాశం రావడం అదృష్టంగా భావిస్తున్నట్లు యాదమ్మ తెలిపారు.

Yadamma respond: నోవాటెల్ హోటల్‌లోని రానివ్వలేదని కొందరు దుష్ప్రచారం చేస్తున్నారని వంటమనిషి యాదమ్మ ఆగ్రహం వ్యక్తం చేశారు. సామాజిక మాధ్యమాల్లో వస్తున్న వార్తలను ఆమె ఖండించారు. కొందరు ఉద్దేశపూర్వకంగా తప్పుడు ప్రచారం చేస్తున్నారని ఆమె మండిపడ్డారు. కొందరు యువకులు కింద కూర్చోమని చెప్పి ఫోటో తీశారని.. తనకు వాళ్ల దుర్భుద్ది అర్థం కాలేదని యాదమ్మ అవేదన వ్యక్తం చేశారు.

నోవాటెల్ వద్దకు రాగానే బండి సంజయ్‌ కారు పంపి తనను వెంటనే లోపలికి తీసుకు వెళ్లి గొప్పగా చూసుకున్నారని గూళ్ల యాదమ్మ వివరించారు. లోపలికి వెళ్లగానే మోదీతో కలిసి భోజనం చేసే అవకాశం దక్కడం జీవితంలో మరిచిపోలేని సంఘటన అని సంతోషం వ్యక్తం చేశారు. ప్రధానితో సహా దేశంలోని మహామహులకు వంట వండిపెట్టే అవకాశం రావడం తనకు అదృష్టంగా భావిస్తున్నానని యాదమ్మ తెలిపారు.

ఇవీ చదవండి: మోదీకి యాదమ్మ చేతి రుచులు... మళ్లీ మళ్లీ యాదికొచ్చేలా తెలంగాణ వంటలు..