ఆంధ్రప్రదేశ్లోని గుంటూరు జిల్లాలో మార్కెట్ కమిటీల పాలకమండలి ప్రమాణ స్వీకారం సందర్భంగా ఏర్పాటు చేసిన ఫ్లెక్సీలు అందర్నీ ఆశ్చర్యపరుస్తున్నాయి. సత్తెనపల్లి వ్యవసాయ మార్కెట్ కమిటీ ఛైర్మన్ ప్రమాణస్వీకార వేడుకల్లో ఓ పోలీసు అధికారి అత్యుత్సాహం ప్రదర్శించారు. రాజుపాలెం స్టేషన్లో విధులు నిర్వహిస్తున్న ఏఎస్సై ఆదాం.. అధికార పార్టీ నేతలకు అభినందనలు తెలుపుతూ ఫ్లెక్సీ పెట్టారు. అందులో నేతలతో పాటు తన ఫొటో వేయించుకున్నారు. ఈ వ్యవహారంపై విమర్శలు వ్యక్తమవుతున్నాయి.
మరో ఫ్లెక్సీపై ఎన్టీఆర్ ఫొటో
ముప్పాళ్ల మార్కెట్ కమిటీ ఛైర్మన్ ప్రమాణ వేడుకల్లో భాగంగా ఏర్పాటు చేసిన ఫ్లెక్సీపై తెదేపా వ్యవస్థాపకులు ఎన్టీ రామారావు ఫొటో దర్శనమిచ్చింది. వైకాపాకు నాయకుడు కామినేని శ్రీనివాస చౌదరి ఈ ఫ్లెక్సీని ఏర్పాటు చేయించారు. గతంలో తెలుగుదేశం పార్టీలో ఉన్న కొందరు నాయకులు వైకాపాలోకి రావడంవల్లే ఇలాంటి పరిణామాలు జరుగుతున్నాయని అక్కడి నేతలు అభిప్రాయపడుతున్నారు.
ఇవీ చదవండి: టిమ్స్ సిద్ధం.. ట్విట్టర్లో వీడియో పోస్ట్ చేసిన మంత్రులు
