ఇంటింటికి వెళ్లి వివరాలు సేకరిస్తున్నాం

ఇతర దేశాల నుంచి హైదరాబాద్​ నగరానికి ఇటీవల వచ్చిన వారి వివరాలను అధికార బృందాలు ఇంటింటికి వెళ్లి సేకరిస్తున్నాయని జీహెచ్‌ఎంసీ కమిషనర్‌ లోకేశ్ కుమార్‌ తెలిపారు. ఇవాళ పూర్తి నివేదిక అందుతుందన్నారు.

విదేశాల నుంచి ఇటీవల హైదరాబాద్​ నగరానికి వచ్చిన వారి వివరాలను, ఆరోగ్యస్థితిని అధికార బృందాలు ఇంటింటికి తిరిగి వాకబు చేస్తున్నాయని జీహెచ్‌ఎంసీ కమిషనర్‌ లోకేశ్​ కుమార్‌ పేర్కొన్నారు. సోమవారం సాయంత్రం నాటికి సుమారు 5 వేల మంది హోం క్వారంటైన్ అయినట్లు తెలిసిందన్నారు.

నిబంధనలు అతిక్రమించిన 10 మందిని ప్రభుత్వ క్వారంటైన్ కేంద్రాలకు తరలించామన్నారు. మరో 2300 మంది వివరాలు అందుతున్నాయని వెల్లడించారు. సమగ్ర నివేదిక ఈరోజు రూపొందుతుందని చెప్పారు.

ఇదీ చూడండి : కవరేజ్ కోసం వచ్చిన రిపోర్టర్​పై పోలీసుల దాడి