Vinod Kumar Comments On Modi Telangana Tour : జులై 8న ప్రధానమంత్రి వరంగల్లో కాజీపేట ఓవర్ హాలింగ్ సెంటర్కు శంకుస్థాపన చేయడానికి రావడం పట్ల రాష్ట్ర ప్రణాళిక సంఘం ఉపాధ్యక్షుడు వినోద్ కుమార్ ఆశ్చర్యం వ్యక్తం చేశారు. గతంలో కాజీపేటకు రావాల్సిన కోచ్ ఫ్యాక్టరీని వేరే చోటుకు తరలించారని కేంద్ర ప్రభుత్వంపై ఆయన విమర్శలు చేశారు. హైదరాబాద్లో ప్రత్యేకంగా ఇదే విషయంపై సమావేశం నిర్వహించి ఆయన మాట్లాడారు.
కాజీపేటకు కోచ్ ఫ్యాక్టరీ ఆలస్యంపై గతంలో ఎన్నో ఉద్యమాలు చేశామని రాష్ట్ర ప్రణాళిక సంఘ ఉపాధ్యక్షుడు వినోద్ కుమార్ తెలిపారు. ఈ కోచ్ ఫ్యాక్టరీని ఇస్తామని చెప్పి.. నాటి ప్రభుత్వాలు చెప్పాయని గుర్తు చేశారు. అయితే కేంద్రంలో ఏ ప్రభుత్వం వచ్చినా కోచ్ ఫ్యాక్టరీని ఏర్పాటు చేయలేదని చెప్పారు. కాజీపేటకు కేటాయించాల్సిన ఫ్యాక్టరీని.. ఇప్పుడు రైల్వే శాఖ మంత్రి స్వరాష్ట్రానికి తరలించేశారని ఆరోపించారు. తెలంగాణలో రైల్వే కోచ్ ఫ్యాక్టరీ కావాలనేది ఇప్పటి నాటి డిమాండ్ కాదు.. దాదాపు 40 ఏళ్ల నుంచి పోరాటం చేస్తూనే ఉన్నామని పేర్కొన్నారు.
Vinod Kumar Fire On Modi : జులై 8న కాజీపేటలోని ఓవర్ హాలింగ్ సెంటర్కు శంకుస్థాపన చేయడానికి.. స్వయంగా దేశ ప్రధాని నరేంద్ర మోదీనే రావడం ఆశ్చర్యకరంగా ఉందని వినోద్ కుమార్ వ్యాఖ్యానించారు. ఎందుకంటే ఈ పీరియాడికల్ ఓవర్ హాలింగ్ సెంటర్లో భాగంగా కేవలం వ్యాగన్లు శుభ్రం, మరమ్మతులు మాత్రమే చేస్తారని తెలిపారు. దీనికి కూడా ప్రధాని రావాలా అని ఎద్దేవా చేశారు. కాజీ పేటకు కోచ్ ఫ్యాక్టరీని ఇవ్వాలని ఉమ్మడి ఆంధ్రప్రదేశ్ విభజన చట్టంలోనే ఉందని ఆయన వివరించారు.
"ప్రధాని నరేంద్ర మోదీ వరంగల్కు వచ్చి కాజీపేటలో కడుతున్న ఓవర్ హాలింగ్ వర్క్ షాపుకు శంకుస్థాపన చేస్తారని, మెగా టెక్స్ టైల్ పార్క్ శంకుస్థాపన, భారీ బహిరంగ సభ నిర్వహిస్తారని విన్నాను. కాజీ పేటలో రైల్ కోచ్ ఫ్యాక్టరీ కోసం గత 40 ఏళ్లుగా పోరాటం చేస్తున్నాము. ఓవర్ హాలింగ్ వర్క్ షాపు రిపేరులు చేసే దానికి శంకుస్థాపన చేయడం ఆశ్చర్యంగా ఉంది. విభజన హామీలో ఉన్న కాజీపేట కోచ్ ఫ్యాక్టరీని వెంటనే ఏర్పాటు చేయాలి. గత ఎన్నికల సందర్భంగా కర్ణాటక, గుజరాత్లకు ఈ కోచ్ ఫ్యాక్టరీలను తరలించారు." - వినోద్ కుమార్, రాష్ట్ర ప్రణాళిక సంఘ ఉపాధ్యక్షుడు
ఎన్నికలకు ఆ రెండు రాష్ట్రాలకు కోచ్ ఫ్యాక్టరీ తరలింపు : దేశంలో అధికారంలోకి వచ్చిన తర్వాత బీజేపీ.. 2018లో మహారాష్ట్రలో కోచ్ ఫ్యాక్టరీని ఏర్పాటు చేశారని రాష్ట్ర ప్రణాళిక సంఘం ఉపాధ్యక్షుడు వివరాలు తెలిపారు. గతేడాది ఎన్నికల సందర్భంగా గుజరాత్లో మోదీ కోచ్ ఫ్యాక్టరీకి శంకుస్థాపన చేసి.. రూ.20 వేల కోట్లతో అక్కడ కోచ్ ఫ్యాక్టరీని ఏర్పాటు చేశారని ధ్వజమెత్తారు. విభజన చట్టంలో ఉన్నా.. కాజీపేటలో కాకుండా మరోచోట ఏర్పాటు చేయడం.. బీజేపీ సిగ్గుచేటు చర్యగా ఆయన అభివర్ణించారు. ఈ రైల్వే కోచ్ ఫ్యాక్టరీ అనేది.. తెలంగాణ ప్రజల ఆకాంక్ష అని వినోద్ కుమార్ తెలియజేశారు. కాజీపేట రైల్వే కోచ్ ఫ్యాక్టరీపై ప్రధాని మోదీ క్లారిటీ ఇవ్వాలని డిమాండ్ చేశారు.
ఇవీ చదవండి :
