హాత్వే డిజిటల్ కేబుల్ మాజీ డైరెక్టర్‌, వెంకటసాయి మీడియా ప్రైవేట్ లిమిటెడ్ అధినేత చెలికాని రాజశేఖర్ గుండెపోటుతో కన్నుమూశారు.హైదరాబాద్‌లోని ప్రైవేట్ ఆస్పత్రిలో తుదిశ్వాస విడిచారు.కేబుల్టీవీ, బ్రాడ్‌బ్యాండ్‌ ఇంటర్నెట్ సర్వీసుల రంగంలో... రాజశేఖర్ సుదీర్ఘ కాలంగా సేవలు అందించారు.
చెలికాని రాజశేఖర్.. హాత్వే రాజశేఖర్‌గా ఉమ్మడి రాష్ట్రంలో పేరు పొందిన ఆయన...కేబుల్ రంగంలో తనదైన ముద్ర వేశారు.1968 ఏప్రిల్4న ఏపీలోని విజయనగరం జిల్లా సీతానగరంలో జన్మించారు. తొలిసారి విశాఖపట్నంలో కేబుల్ రంగంలోకి అడుగుపెట్టారు.
హైదరాబాద్ కేంద్రంగా ఉన్న హాత్‌వేను నలువైపులా విస్తరించారు. ఆ తర్వాతి కాలంలో వెంకట సాయి మీడియాను స్థాపించి రెండు రాష్ట్రాల్లో పెద్ద నెట్‌వర్క్‌గా నిలిపారు. కేబుల్ ఆపరేటర్ల సంక్షేమం కోసం కృషి చేశారు. ఆంధ్రప్రదేశ్‌ ఎమ్ఎస్వోల అధ్యక్షుడిగా పనిచేశారు. ఎమ్ఎస్వోలసంక్షేమ సంఘం ఏర్పాటు చేశారు. ఆలిండియా బాల్ బ్యాడ్మింటన్‌ ఫెడరేషన్‌లో కీలక బాధ్యతలు నిర్వహించారు.
రాజశేఖర్ మృతిపై బ్రైట్‌వే కమ్యూనికేషన్స్‌ సంతాపం తెలిపింది. తెలంగాణ ఎమ్ఎస్వో అసోసియేషన్స్‌, తెలంగాణ కేబుల్ ఆపరేటర్స్ అసోసియేషన్ తీవ్ర దిగ్భ్రాంతి వ్యక్తం చేశాయి. రాజశేఖర్ కుటుంబానికి ఈటీవీ సీఈవో బాపినీడు సానుభూతి తెలిపారు. ఆయన ఆత్మకు శాంతి కలగాలన్నారు.
ఇదీచూడండి.. 'దేశంలో లేని క్రీడా పాలసీని రాష్ట్రంలో తీసుకొస్తాం'
