TS High Court on Group 1 Prelims Exam : జూన్ 11న జరగాల్సిన గ్రూప్-1 ప్రిలిమ్స్ పరీక్ష వాయిదా వేయాలని కోరుతూ దాఖలైన పిటిషన్పై హైకోర్టులో విచారణ మొదలైంది. ఈ పిటిషన్పై విచారణ ప్రారంభించిన జస్టిస్ కె.లక్ష్మణ్ మధ్యాహ్నం మరో బెంచ్కు పంపిస్తానని వెల్లడించారు. తన కుమార్తె కూడా గ్రూప్ర-1 పరీక్ష రాస్తున్నందున ఈ పిటిషన్ను విచారించలేనని తెలిపారు.
గతేడాది అక్టోబరులో గ్రూప్-1 ప్రిలిమ్స్ను టీఎస్పీఎస్సీ నిర్వహించింది. అయితే మార్చి నెలలో కమిషన్‌లోని ఉద్యోగుల వల్ల ప్రశ్నపత్రాల లీకేజీ వ్యవహారం వెలుగులోకి రావడంతో.. గ్రూప్-1 ప్రిలిమ్స్ రద్దు చేసిన రాష్ట్ర పబ్లిక్ సర్వీస్ కమిషన్... ఆ పరీక్షను జూన్ 11న నిర్వహించనున్నట్లు ప్రకటించింది.
ఆ నిబంధనకు విరుద్ధంగా గ్రూప్-1 ప్రిలిమ్స్ పరీక్ష : ఈ నేపథ్యంలో ఈ పరీక్షలను కనీసం 2 నెలలు వాయిదా వేయాలని కోరుతూ రంగారెడ్డి జిల్లాకు చెందిన బి.వెంకటేశ్‌తోపాటు హైదరాబాద్‌, మెదక్‌, నిజామాబాద్‌, మహబూబాబాద్‌, వికారాబాద్‌, నల్గొండ, వరంగల్‌, మహబూబ్‌నగర్‌, జనగామ, కొత్తగూడెం, మంచిర్యాల, ఖమ్మం, గద్వాల జిల్లాలకు చెందిన 36 మంది అభ్యర్థులు హైకోర్టును ఆశ్రయించి ఈ పిటిషన్ దాఖలు చేశారు. సాధారణంగా టీఎస్పీఎస్సీ చట్టం ప్రకారం గ్రూప్ 1, గ్రూప్ 2, గ్రూప్ 3, గ్రూప్ 4 పరీక్షల మధ్య మధ్య తగినంత విరామం ఉండేలా నిర్వహించాల్సి ఉందని.. ఈ మేరకు ఈ నెల 11న టీఎస్‌పీఎస్సీకి ఇచ్చిన వినతిపత్రాన్ని పరిగణనలోకి తీసుకుని తగిన ఆదేశాలు జారీ చేయాలని కోరారు. ఆ నిబంధనకు విరుద్ధంగా టీఎస్పీఎస్సీ వ్యవహరిస్తోందని పిటిషనర్లు వాదిస్తున్నారు.
పరీక్షను వాయిదా వేసేలా ఆదేశాలు ఇవ్వాలి : టీఎస్పీఎస్సీ ఛైర్మన్, కార్యదర్శికి వినతిపత్రాలు ఇచ్చినప్పటికీ స్పందించడం లేదని పిటిషన్లో పేర్కొన్నారు. దీనిపై సమగ్ర దర్యాప్తు నిర్వహించి వాస్తవాలు వెలికి తీయాలని సిట్‌కు కూడా వినతిపత్రం సమర్పించినట్లు పిటిషనర్లు తెలిపారు. అయితే వీటిని పట్టించుకోకుండా ప్రిలిమ్స్ను జూన్ 11న నిర్వహించాలని తేదీ ప్రకటించారన్నారు. పరీక్షను వాయిదా వేసేలా ఆదేశాలు ఇవ్వాలని పిటిషన్లో పేర్కొన్నారు. గ్రూప్-1 ప్రిలిమ్స్ నిర్వహణపై స్టే విధిస్తూ మధ్యంతర ఉత్తర్వులు ఇవ్వాలని కోరారు. హోంశాఖ ముఖ్య కార్యదర్శి, టీఎస్పీఎస్సీ ఛైర్మన్, కార్యదర్శి, సిట్ను ప్రతివాదులుగా చేర్చారు. దీనిపై ఉదయం విచారణ చేట్టిన జస్టిస్ కె.లక్ష్మణ్ తాను ఈ పిటిషన్ను విచారించలేనని.. మధ్యాహ్నం మరో బెంచ్కి పంపిస్తానని తెలిపారు. మరోవైపు టీఎస్పీఎస్సీ పేపర్ లీకేజీ వ్యవహారంలో సిట్ దర్యాప్తు ముమ్మరంగా కొనసాగుతూనే ఉంది.
ఇవీ చదవండి :
