TRS Plenary meeting: తెరాస ప్లీనరీకి ర్యాలీగా, గుర్రాలపై బయలుదేరిన కార్పొరేటర్లు

తెరాస ప్లీనరీ సందర్భంగా హైదరాబాద్ రహదారులు గులాబీమయంగా మారాయి. ప్రజా ప్రతినిధుల సభ జరుగుతున్న హైటెక్స్‌ ప్రాంగణమంతా గులాబీ రంగు పులుముకున్నట్లుగా ఆకర్షణీయంగా మారింది. సమావేశానికి పార్టీ నాయకులు, కార్యకర్తలు పెద్ద ఎత్తున తరలివెళ్లారు. డప్పు చప్పుళ్లతో ర్యాలీ నిర్వహిస్తూ, విభిన్నంగా గుర్రాలపై కొందరు బయలుదేరారు.

హైదరాబాద్‌ హైటెక్స్‌లో జరుగుతున్న తెరాస పార్టీ ప్లీనరీకి పెద్ద సంఖ్యలో ఆ పార్టీ శ్రేణులు తరలివెళ్లాయి. విభిన్న రకాల వేషధారణలు, కళాకారులతో పార్టీ కార్యకర్తలు, నాయకులు ర్యాలీగా బయలుదేరారు.

హిమాయత్ నగర్ తెరాస నాయకులు డప్పుచప్పుళ్లు, పోతురాజుల విన్యాసాలు, కళాకారులు నృత్యాలతో సందడి చేస్తూ... హైటెక్స్ ప్రాంగణానికి బయలుదేరారు. మరికొందరు కార్పొరేటర్లు.. పార్టీ జెండాలు పట్టుకొని గుర్రాలపై సమావేశానికి చేరుకున్నారు.

ఇదీ చదవండి: TRS Party 20 Years celebrations : తెరాస 20 ఏళ్ల ప్రస్థానం: పోరాట పంథా నుంచి.. ప్రగతి పథంలోకి...