'గిరిజనులపై దాడులను అరికట్టాలి'

లంబాడీ, ఆదివాసీలపై దాడులను అరికట్టాలని గిరిజన నేతలు డిమాండ్ చేశారు. హైదరాబాద్​లో తెలంగాణ గిరిజన ఐక్య వేదిక ఆధ్వర్యంలో భవిష్యత్ కార్యాచరణపై జరిగిన సమావేశంలో వారు మాట్లాడారు.

హైదరాబాద్​లోని నాంపల్లి తెలుగు విశ్వవిద్యాలయంలో బంజార, గిరిజన ఆత్మీయ సమ్మేళన రౌండ్ టేబుల్ సమావేశం నిర్వహించారు. కేంద్ర మాజీ మంత్రి బలరాం నాయక్, రాష్ట్ర మాజీ మంత్రి అమర్ సింగ్, మాజీ ఎంపీ రవీంద్ర నాయక్, ఎమ్మెల్సీ రాములు నాయక్​తో పాటు 42 గిరిజన కుల సంఘాలు పాల్గొన్నారు.

లంబాడీ, గిరిజనులపై జరుగుతున్న దాడులను, దుష్ప్రచారాలను అరికట్టడం... జనాభా ప్రాతిపదికన రిజర్వేషన్లు ఇవ్వడం... ఎస్టీ కమిషన్​ను ఏర్పాటు చేయడం వంటి డిమాండ్లపై రౌండ్ టేబుల్ సమావేశం నిర్వహించారు. వీటిపై కూలంకషంగా చర్చించేందుకు జనవరి 27, 28న ఖమ్మంలో భారీ బహిరంగ సభ నిర్వహించనున్నట్లు ఎమ్మెల్యే రాములు నాయక్ స్పష్టం చేశారు.

ఇవీ చూడండి: ముఖ్యమంత్రి కేసీఆర్​ పర్యటనలో అపశ్రుతి...