విద్యుత్ సంస్థల పనితీరుపై... సోలార్ పవర్పై దృష్టి సారించటం లేదని నిన్న కొందరు ఆరోపణలు చేశారని ట్రాన్స్కో సీఎండీ ప్రభాకర రావు అన్నారు. రాష్ట్రం ఏర్పడే నాటికి 71 మెగావాట్లు ఉన్న సోలార్ విద్యుత్... ఇప్పుడు 3,600 మెగావాట్లకు చేరుకుందని తెలిపారు. ఛత్తీస్‌గఢ్‌ నుంచి రూ.3.90లకు విద్యుత్ను కొనుగోలు చేస్తున్నామన్నారు. ఎంతో పారదర్శకంగా విద్యుత్ ఒప్పందాలు కుదుర్చుకుంటున్నామని ఆయన స్పష్టం చేశారు. విద్యుత్ సంస్థలు స్వతంత్ర సంస్థలని... తమపై ఎటువంటి ఒత్తిడులు లేవని... ఎటువంటి ప్రలోభాలకు లొంగలేదని వెల్లడించారు. ప్రజలకు నాణ్యమైన విద్యుత్ను అందిస్తూ పారదర్శకంగా పనిచేస్తున్నామని, విద్యుత్ ఉద్యోగుల పనితీరుపై అవాస్తవాలు ప్రచారం చేయవద్దని పేర్కొన్నారు. తమ పనితీరుపై అనుమానాలుంటే సీబీఐ విచారణకు కూడా తాము సిద్ధంగా ఉన్నామని ప్రభాకర రావు తెలిపారు.
ఇవీ చూడండి: నిబంధనలు పాటిస్తే గులాబీ పువ్వు... ఓ సినిమా టికెట్
