శిక్షణలో ఉన్న సివిల్ సర్వీసెస్ అధికారులు చెఫ్లుగా, సేల్స్ పర్సన్స్గా, వ్యాపారులుగా అవతారం ఎత్తారు. హైదరాబాద్ మర్రిచెన్నారెడ్డి మానవవనరుల అభివృద్ధి కేంద్రంలో 22 రాష్ట్రాలకు చెందిన 121 మంది అధికారులు స్పెషల్ ఫౌండేషన్ కోర్సులో భాగంగా శిక్షణ పొందుతున్నారు. అందులో భాగంగా ఫెటె పేరిట ఉత్సవాన్ని నిర్వహించారు. అందులో భాగంగా కొందరు చెఫ్లుగా మారి రుచికరమైన వంటకాలు చేశారు. వివిధ రాష్ట్రాలకు చెందిన పలు శాఖాహార, మాంసాహార వంటలను అందరికీ రుచి చూపించారు.
మరికొందరు సేల్స్ పర్సన్స్గా, వ్యాపారులుగా అవతారమెత్తారు. వంటకాలు, వాటి అమ్మకం ద్వారా వచ్చిన డబ్బులను ఓ స్వచ్ఛంద సంస్థకు విరాళంగా అందించారు. వీటితో పాటు వివిధ రకాల ఆటపాటల్లోనూ అధికారులు పాల్గొన్నారు. ఎంసీఆర్హెచ్ఆర్డీ డైరెక్టర్ హర్ప్రీత్ సింగ్ సహా అధికారులు, సిబ్బంది ఉత్సవంలో పాల్గొన్నారు.
ఇదీ చదవండి: 'వాళ్లకు హై కమాండ్ దిల్లీలో ఉంటే.. మనకు గల్లీలో ఉంటది'
