జీహెచ్ఎంసీ ఎన్నికల ప్రచారంలో భాగంగా సీఎం కేసీఆర్ ఎల్బీ స్టేడియంలో జరిగే బహిరంగ సభలో పాల్గొననున్నారు. ఈ సభ నేపథ్యంలో నగరంలో ట్రాఫిక్ ఆంక్షలు విధించారు. కంట్రోల్ రూమ్ వైపు నుంచి బీజేఆర్ విగ్రహం వైపునకు వచ్చే వాహనాలను చాపెల్ రోడ్, నాంపల్లి వైపు మళ్లించనున్నారు. అబిడ్స్, గన్ ఫౌండ్రి నుంచి బీజేఆర్ విగ్రహం వైపు వచ్చే వాహనాలు ఎస్బీఐ, చాపెల్ రోడ్ వైపు.. బషీర్బాగ్ జంక్షన్ నుంచి జీపీఓ, అబిడ్స్ నుంచి వచ్చే వాహనాలు ఓల్డ్ ఎమ్మెల్యే క్వార్టర్స్, కింగ్ కోటి వైపు మళ్లించనున్నారు.
ఓల్డ్ ఎమ్మెల్యే క్వార్టర్స్ నుంచి బషీర్బాగ్కు వచ్చే వాహనాలు హిమాయత్నగర్ వై జంక్షన వైపు మళ్లించనున్నట్లు ట్రాఫిక్ పోలీసులు తెలిపారు. సభకు వచ్చే వారి వాహనాల పార్కింగ్ కోసం స్థలాలను సూచించారు. సికింద్రాబాద్ నుంచి వచ్చే వారు స్టేడియం గేట్-జీ వద్ద దిగి ఆ వాహనాలు పబ్లిక్ గార్డెన్, రవీంద్ర భారతి, ఐమాక్స్ వద్ద పార్కింగ్ చేయాలని సూచించారు.
ఎల్బీనగర్, దిల్సుఖ్నగర్, పాతబస్తీ నుంచి వచ్చే వాహనాలు ఎఆర్ పెట్రోల్ పంప్ వద్ద దిగి వాహనాలు పబ్లిక్ గార్డెన్, పీపుల్స్ ప్లాజా వద్ద పార్కింగ్ చేయాలని తెలిపారు. ముషీరాబాద్, అంబర్ పేట, హిమాయత్నగర్ నుంచి వచ్చే వారు స్టేడియం ఎఫ్, ఎఫ్-1 వద్ద దిగాలని.. మెహదీపట్నం నుంచి వచ్చే వాహనాలు గేట్-జీ వద్ద దిగి వాహనాలు నిజాం కాలేజ్ గ్రౌండ్లో పార్కింగ్ చేయాలని సూచించారు. ట్రాఫిక్ ఆంక్షలకు వాహనదారులు సహకరించాలని పోలీసులు కోరారు.
ఇదీ చదవండి: భాజపా గద్దెనెక్కే సమయం ఆసన్నమైంది: జేపీ నడ్డా
