ఉమ్మడి రాష్ట్ర మాజీ ముఖ్యమంత్రి దివంగత వైఎస్ రాజశేఖర్రెడ్డి 12 వ వర్ధంతి సందర్భంగా.. గాంధీ భవన్లో ఆయన చిత్రపటానికి.. పలువురు కాంగ్రెస్ నేతలు నివాళి అర్పించారు. పీసీసీ అధ్యక్షుడు రేవంత్రెడ్డి, రాజ్యసభ మాజీ సభ్యులు కేవీపీ రాంచందర్రావు, మాజీ పీసీసీ అధ్యక్షుడు పొన్నాల లక్ష్మయ్య, మండలి మాజీ విపక్ష సభ్యులు షబ్బీల్ అలీ, సీనియర్ ఉపాధ్యక్షులు నిరంజన్, మహిళ కాంగ్రెస్ అధ్యక్షురాలు సునీతరావు సహా ఇతర నేతలు వైఎస్ఆర్ సేవలను స్మరించుకున్నారు. పంజాగుట్ట సెంటర్లో ఉన్న రాజశేఖర్రెడ్డి విగ్రహం వద్ద పుష్పగుచ్చాలుంచి నివాళి అర్పించారు.
పంజాగుట్టలో షర్మిల నివాళి..
వైఎస్ఆర్ 12 వ వర్ధంతి సందర్భంగా.. ఆయన తనయ, వైఎస్ఆర్ తెలంగాణ పార్టీ అధ్యక్షురాలు షర్మిల ఘనంగా నివాళి అర్పించారు. పంజాగుట్ట కూడలిలో ఉన్న వైఎస్ఆర్ విగ్రహానికి పూలమాల వేసి నివాళులు అర్పించారు. ఈ కార్యక్రమంలో పలువులు నేతలు పాల్గొన్నారు. ప్రతి ఒక్కరి హృదయాల్లో వైఎస్ఆర్ చిరస్మరణీయంగా నిలిచిపోయారన్నారు.
ఇదీచూడండి: YSR: నేడు వైఎస్ సంస్మరణ సభ... సన్నిహితులను ఆహ్వానించిన విజయమ్మ
