విభిన్న పాత్రలతో ప్రేక్షకులను అలరిస్తోన్న నటకిరిటీ రాజేంద్రప్రసాద్ మరో సరికొత్త పాత్రతో ప్రేక్షకుల ముందుకు రాబోతున్నారు. యువ దర్శకుడు విశ్వనాథ్ మాగంటి దర్శకత్వంలో సుమ దుర్గా క్రియేషన్స్ పతాకంపై నిర్మిస్తున్న 'తోలుబొమ్మలాట' చిత్రంలో తాత పాత్రలో రాజేంద్రప్రసాద్ నటిస్తున్నారు. ఈ సినిమా మోషన్ పోస్టర్ను హైదరాబాద్ ప్రసాద్ ప్రివ్యూ థియేటర్లో విడుదల చేశారు. రాజేంద్రప్రసాద్ తోపాటు చిత్ర నటీనటులు, సాంకేతిక నిపుణులు హాజరై చిత్ర విశేషాలను వెల్లడించారు. మనుషుల మధ్య బంధాలు, అనుబంధాలను చాటేలా తోలుబొమ్మాలాట ప్రతి ఒక్కరి మనసుకు దగ్గరవుతుందని రాజేంద్రప్రసాద్ తెలిపారు. విశ్వంత్, హర్షిత హీరోహీరోయిన్లుగా నటించగా... వెన్నెల కిషోర్, దేవీ ప్రసాద్, నర్రా శ్రీనివాస్, నారాయణరావు కీలక పాత్రల్లో నటిస్తున్నారు.
ఈ కథనం చదవండి : ఆత్మహత్యకు యత్నించిన ఆర్టీసీ డ్రైవర్‌ శ్రీనివాస్‌రెడ్డి మృతి
