TTD tickets available in TSRTC: తిరుమల్లో ఉన్న శ్రీ వెంకటేశ్వర స్వామి వారిని దర్శించుకోడానికి తెలంగాణ నుంచి అధిక సంఖ్యలో భక్తులు వెళ్లడం వలన టీఎస్ఆర్టీసీ కొన్ని నెలలు క్రితం బస్సులోనే టికెట్లు బుక్ చేసుకొనే సదుపాయాన్ని తీసుకు వచ్చింది. బాలాజీ దర్శన్ టికెట్లకు భక్తుల నుంచి అనూహ్య స్పందన వస్తోంది. ఏడు నెలల్లో 77,200 మంది భక్తులు బాలాజీ దర్శన్ టికెట్లను బుక్ చేసుకుని తిరుమల శ్రీ వెంకటేశ్వర స్వామిని దర్శించుకున్నారు. తెలంగాణ నుంచి తిరుమల వెళ్లే భక్తుల కోసం గత ఏడాది జులై నుంచి బాలాజీ దర్శన్ ను టీఎస్ఆర్టీసీ అందుబాటులోకి తీసుకువచ్చింది. తిరుమల వెళ్లేందుకు బస్‌ టికెట్ బుక్ చేసుకునే సమయంలోనే శ్రీవారి శీఘ్ర దర్శన టికెట్‌ను బుక్ చేసుకునే సదుపాయాన్ని కల్పించింది. అందుకోసం టీటీడీతో టీఎస్ఆర్టీసీ ఒప్పందం కుదుర్చుకుంది.
టీఎస్ఆర్టీసీ ప్రవేశపెట్టిన ఈ టికెట్లకు అద్బుతమైన స్పందన వస్తుంది. గత ఏడాది జూలైలో 3,109, ఆగస్టులో 12,092, సెప్టెంబర్‌లో 11,586, అక్టోబర్‌లో 14,737, నవంబర్‌లో 14,602, డిసెంబర్‌లో 6,890, ఈ ఏడాది జనవరిలో 14,182 మంది బస్‌ టికెట్తో పాటు శ్రీవారి శీఘ్ర దర్శన టికెట్లను బుక్ చేసుకున్నట్లు ఆర్టీసీ తెలిపింది.
గతంలో శ్రీవారి శీఘ్ర దర్శన టికెట్లను భక్తులు బుక్ చేసుకున్న వివరాలు:
| నెల | టికెట్లు బుక్ చేసుకున్న వారి సంఖ్య |
| జులై(2022) | 3,109 |
| ఆగస్టు(2022) | 12,092 |
| సెప్టెంబర్‌(2022) | 11,586 |
| అక్టోబర్‌(2022) | 14,737 |
| నవంబర్‌(2022) | 14,602 |
| డిసెంబర్‌(2022) | 6,890 |
| జనవరి(2023) | 14,182 |
ఈ నెలలో శుభకార్యాలు, పెళ్లిళ్లు ఎక్కువగా ఉన్నాయి. శ్రీవారి దర్శనం కోసం వెళ్లే భక్తులు టీఎస్ఆర్టీసీ బస్సుల్లో ప్రయాణించాలని యాజమాన్యం కోరుతోంది. ప్రయాణ టికెట్తో పాటు శ్రీవారి ప్రత్యేక దర్శన టికెట్‌ను సంస్థ అందిస్తోంది. ఈ టికెట్తో ఎలాంటి ఇబ్బంది లేకుండా సురక్షితంగా ప్రయాణించి వెంకటేశ్వరస్వామిని దర్శించుకోవచ్చు అని తెలిపింది. బాలాలయ మహా సంప్రోక్షణను టీటీడీ వాయిదా వేసినందున ఈ నెల 23 నుంచి మార్చి 1 వరకు బ్లాక్ చేసి ఉన్న శీఘ్ర దర్శన టికెట్లను తిరిగి విడుదల చేయడం జరిగిందని ఆర్టీసీ తెలిపింది.
భక్తులు www.tsrtconline.in వెబ్‌ సైట్లో టికెట్లను బుక్ చేసుకోవచ్చని ఆర్టీసీ చైర్మన్‌ బాజిరెడ్డి గోవర్దన్‌, ఎండీ వీసీ సజ్జనార్లు సూచించారు. బాలాజీ దర్శన్ టికెట్లను కనీసం వారం రోజుల ముందుగా బుకింగ్ చేసుకోవాల్సి ఉంటుంద‌న్నారు.
ఇవీ చదవండి:
