Three Died in Hyderabad Ganesh Nimajjanam : హైదరాబాద్లో జరుగుతున్న గణేశ్ నిమజ్జన వేడుక(Ganesh Immersion 2023)ల్లో అపశ్రుతి చోటుచేసుకుంది. వేర్వేరు ప్రమాదాల్లో ఇద్దరు మృతి చెందారు. సంజీవయ్య పార్క్ వద్ద ప్రమాదవశాత్తు వాహనం కిందపడి బాలుడు మృతి చెందాడు. మృతి చెందిన బాలుడు కిషన్బాగ్ చెందినవాడిగా పోలీసులు గుర్తించారు.
Hyderabad Ganesh Nimajjanam Accidents : అలాగే బషీర్బాగ్ ఫ్లైఓవర్ వద్ద వాహనం కిందపడి నాలుగేళ్ల బాలుడు మరణించాడు. బెల్లంపల్లికి చెందిన రాజశేఖర్ కుటుంబం నగరంలోని సంతోశ్ నగర్ ప్రెస్ కాలనీలో నివాసం ఉంటుంది. గణేశ్ నిమజ్జనం కోసం ద్విచక్రవాహనంపై వెళ్తుండగా.. బషీర్బాగ్ వద్ద బైకు అదుపు తప్పడంతో వారంతా కిందపడ్డారు. నాలుగేళ్ల బాలుడి పైనుంచి మరో వాహనం వెళ్లింది. తీవ్రగాయాలైన బాలుడిని వెంటనే ఆస్పత్రికి తరలించగా.. చికిత్స పొందుతూ మృతి చెందినట్లు డాక్టర్లు తెలిపారు.
Hyderabad Ganesh Tragedy : మరోవైపు రంగారెడ్డి జిల్లాలో కూడా వినాయక నిమజ్జన వేడుక(Ganesh Visarjan Tragedy Telangana)ల్లో అపశ్రుతి జరిగింది. ట్రాక్టర్ కిందపడి బాలుడు మృతి చెందాడు. ఈ ఘటన ఇబ్రహీంపట్నం మండలం పోచారంలో జరిగింది. మృతునిది చెర్లపటేల్గూడ గ్రామంగా గుర్తించారు. మహబూబాబాద్లో గురువారం వినాయక నిమజ్జనంలో విషాదం చోటుచేసుకుంది. వినాయక నిమజ్జనంలో విద్యుదాఘాతంతో యువకుడు మహేశ్ మృతి చెందాడు. అలాగే జగిత్యాల జిల్లాలో గణేశ్ శోభాయాత్రలో ఇరువర్గాల మధ్య ఘర్షణ జరిగింది. యువకుడిపై కత్తితో దాడి చేసిన వ్యక్తులు.. తీవ్రగాయాలు కావడంతో ఆస్పత్రికి తరలించారు. కేసు నమోదు చేసుకున్న పోలీసులు దర్యాప్తును చేపట్టారు.
గణేశ్ నిమజ్జనంలో అపశ్రుతి.. 11 మంది మృతి
Ganesh Nimajjanam Continuing on Second Day : మరోవైపు.. భాగ్యనగరంలో గురువారం ప్రారంభమైన గణేశుడి శోభాయాత్ర ఇంకా కొనసాగుతోంది. ట్యాంక్బండ్ వద్ద గల హుస్సేన్సాగర్ పరిసర ప్రాంతాల్లో గణేశ్ శోభాయాత్ర రమణీయంగా సాగుతోంది. గణనాథుల నిమజ్జనంతో కోలాహలంగా హుస్సేన్సాగర్ పరిసరాలు మారాయి. బషీర్బాగ్, అబిడ్స్, లక్డీకాపూల్ నుంచి ట్యాంక్బండ్కు విగ్రహాలు తరలి వస్తున్నాయి. ఈ గణేశ్ నిమజ్జనాలు మధ్యాహ్నం వరకు కొనసాగే అవకాశం ఉందని భద్రతా సిబ్బంది తెలిపారు.
అబిడ్స్లో చర్మాస్ వద్ద పాతబస్తీ నుంచి వినాయక విగ్రహాన్ని తీసుకువస్తున్న టస్కర్ వాహనం ఆగిపోయింది. దీంతో ట్రాఫిక్ పోలీసులు జేసీబీ సహాయంతో ఆ వాహనాన్ని ముందుకు తరలించారు. ఇప్పటికే 7,174 గణేశ్ విగ్రహాలు గంగమ్మ ఒడిలోకి చేరుకున్నాయని జీహెచ్ఎంసీ తెలిపింది. బషీర్బాగ్, లిబర్టీ, నారాయణగూడలోని రహదారుల మీదగా శోభాయాత్ర కొనసాగుతుంది. దీంతో సాధారణ వాహనాల రాకపోకలకు తీవ్ర అంతరాయం ఏర్పడింది.
ట్రాఫిక్ ఆంక్షలు : హైదరాబాద్లోని పలుచోట్ల ట్రాఫిక్ ఆంక్షలు కొనసాగుతున్నాయి. లక్డీకాపూల్, టెలిఫోన్ భవన్ మార్గాల్లో శోభాయాత్ర కొనసాగుతుంది. అలాగే తెలుగుతల్లి ఫ్లైఓవర్ మార్గంలో కూడా శోభాయాత్ర కొనసాగుతుండడంతో కూకట్పల్లి, ఎర్రగడ్డ మీదగా వచ్చే వాహనాలు అమీర్పేట్ వైపు మళ్లించనున్నారు.
గణేశ్ నిమజ్జనంలో అపశ్రుతి.. వేర్వేరు ఘటనల్లో ఏడుగురు మృతి
గణేశ్ నిమజ్జనంలో అపశ్రుతి.. విద్యుత్ తీగలు తగిలి ముగ్గురు మృతి
