రాష్ట్రంలో యూత్ కాంగ్రెస్ అధ్యక్ష పదవి కోసం తుది పోటీకి ముగ్గురు అభ్యర్థులు ఎంపికయ్యారు. రాష్ట్రస్థాయిలో 59997 ఓట్లతో మొదటిస్థానంలో శివసేనరెడ్డి, 52203 ఓట్లతో రెండోస్థానాన్ని రాజీవ్రెడ్డి, 21862 ఓట్లతో మూడోస్థానంలో పోరిక సాయిశంకర్ నిలిచారు. దాదాపు మూడు నెలల పాటు యువజన కాంగ్రెస్ సభ్యత్వ నమోదు కార్యక్రమం చేపట్టారు. రాష్ట్రకమిటీకి అర్హత సాధించిన వారి వివరాలను www.ycae.in వెబ్సైట్లో ఉంచామని తెలిపారు.
మొదటి మూడు స్థానాల్లో నిలిచిన అభ్యర్థులు ఇంటర్వ్యూకి రావాల్సిందిగా యువజన కాంగ్రెస్ ఎన్నికల కమిషన్ తెలిపింది. వారితో పాటు 28 మంది రాష్ట్ర ప్రధాన కార్యదర్శులను, 33 జిల్లాల అధ్యక్షులు, ఉపాధ్యక్షులు,ప్రధాన కార్యదర్శులను ప్రకటించినట్లు వెల్లడించారు. రాష్ట్రవ్యాప్తంగా 119 అసెంబ్లీ నియోజకవర్గాల అధ్యక్షులు, ఉపాధ్యక్షులు, ప్రధాన కార్యదర్శులను జాబితాను వెబ్సైట్లో ఉంచామని కాంగ్రెస్ ఎన్నికల పీఆర్వో రాజు పి.నాయర్ తెలిపారు.
