హైదరాబాద్ పాతబస్తీలోని నెహ్రూ జూలాజికల్ పార్క్లో అనారోగ్యంతో 8 ఏళ్ళ తెల్ల పులి మృతి చెందింది. ఈ మగ పులి పేరు 'కిరణ్' అని... గత నెల రోజులుగా నియోప్లాస్టిక్ ట్యూమర్తో ఇది బాధ పడుతుందని అధికారులు వివరించారు. నెల రోజులుగా చికిత్స పొందుతూ ఈ రోజు ఉదయం మరణించిందని జూపార్క్ అధికారులు తెలిపారు. కిరణ్ ఇక్కడే జూపార్క్లో జన్మించిందని... దాని తండ్రి బద్రి, తాత రుద్ర అనే పులులు కూడా ఇదే వ్యాధితో మరణించాయని జూపార్క్ నిర్వాహకులు తెలిపారు. కిరణ్కు పోస్ట్మార్టం నిర్వహించిన వైద్యబృందం... ట్యూమర్ నమూనాను సీసీఎంబీకి పంపినట్లు జూపార్క్ అధికారులు వెల్లడించారు.
ఇదీ చూడండి : చితకబాదారు: ఉద్యోగస్తులపై కార్పొరేట్ సంస్థ పైశాచికత్వం
