హైదరాబాద్‌ క్రికెట్ అసోసియేషన్‌లో జరుగుతున్న అక్రమాలపై సీబీఐ విచారణ జరిపించాలని... తెలంగాణ క్రికెట్ అసోసియేషన్ సభ్యులు కేంద్ర హోంశాఖ సహాయ మంత్రి కిషన్‌రెడ్డి, భాజపా రాష్ట్ర అధ్యక్షుడు బండి సంజయ్ విజ్ఞప్తి చేశారు. ఈ మేరకు వారికి వినతి పత్రం అందజేశారు.
ఈ విషయం హోంశాఖ పరిశీలనలో ఉందని సభ్యులకు కిషన్‌రెడ్డి హామీ ఇచ్చారు. అదే విధంగా టీసీఏకు బీసీసీఐ గుర్తింపు విషయంలో చొరవ తీసుకోవాలని కోరారు. గత ఆరు సంవత్సరాలుగా తెలంగాణ క్రికెట్ అసోసియేషన్ ఆధ్వర్యంలో జరిగిన వందలాది టోర్నమెంట్ మ్యాచ్‌ల వివరాలను బండి సంజయ్‌కి టీసీఏ కార్యదర్శికి గురువా రెడ్డి వివరించారు. తెలంగాణ క్రికెట్ అసోసియేషన్కు గుర్తింపు విషయంలో తాను చొరవ తీసుకుంటానని ఎంపీ బండి సంజయ్ టీసీఏ సభ్యులకు హామీ ఇచ్చారు.
ఇదీ చదవండి: ప్రైవేట్ టీచర్లు, సిబ్బందికి ఆర్థిక సాయం పంపిణీకి మార్గదర్శకాలు ఖరారు
