TS corona cases: రాష్ట్రంలో 80,658 మందికి పరీక్షలు.. 453 కొత్త కేసులు

రాష్ట్రంలో కొవిడ్​ కేసులు క్రమంగా తగ్గుతున్నాయి. తాజాగా 453 మందికి పాజిటివ్​గా నిర్ధారణ అయింది. వైరస్​ బారిన పడి మరో ముగ్గురు ప్రాణాలు కోల్పోయారు.

తెలంగాణలో కరోనా తీవ్రత క్రమంగా తగ్గుముఖం పడుతోంది. గడిచిన 24 గంటల్లో 80,658 మంది నమూనాలను పరీక్షించగా.. 453 మందికి పాజిటివ్‌గా తేలింది. దీంతో ఇప్పటి వరకు నమోదైన మొత్తం కేసుల సంఖ్య 6,49,859కి చేరింది. తాజాగా మహమ్మారికి ముగ్గురు బలి కాగా.. మొత్తం మృతుల సంఖ్య 3,828కి పెరిగింది.

రాష్ట్రంలో రికవరీ రేటు 98.14 శాతానికి చేరింది. వైరస్​ బారి నుంచి మరో 614 మంది బాధితులు కోలుకున్నారు. ప్రస్తుతం 8,242 యాక్టివ్‌ కేసులు ఉన్నట్లు వైద్యారోగ్యశాఖ బులిటెన్‌ విడుదల చేసింది.