ETV Bharat / state

కేంద్రంపై కేసీఆర్ గుస్సా... త్వరలో మళ్లీ దిల్లీకి

రాష్ట్రానికి రావాల్సిన నిధుల కోసం కేంద్రంపై ఒత్తిడి పెంచేందుకు సీఎం కేసీఆర్ సిద్ధమయ్యారు. పన్నుల వాటాగా రావాల్సిన నిధులతోపాటు జీఎస్టీ బకాయిలు విడుదల చేయాలని కోరుతూ... కేంద్ర ఆర్థిక మంత్రికి లేఖ రాశారు. త్వరలోనే ప్రధానమంత్రిని కలిసేందుకు కేసీఆర్‌ సిద్ధమవుతున్నారు. ఈనెల 11న జరగనున్న కేబినెట్‌ సమావేశం కోసం రాష్ట్ర ఆర్థిక స్థితిగతులపై సమగ్ర నివేదిక అందించాలని అధికారుల్ని సీఎం ఆదేశించారు.

Telangana Cm KCR Review on Finances

కేంద్రంపై కేసీఆర్ గుస్సా... త్వరలో మళ్లీ దిల్లీకి

By

Published : Dec 8, 2019, 5:05 AM IST

|

Updated : Dec 8, 2019, 7:23 AM IST

కేంద్రంపై కేసీఆర్ గుస్సా... త్వరలో మళ్లీ దిల్లీకి

ఉన్నతాధికారులతో ప్రగతి భవన్‌లో సమావేశమైన ముఖ్యమంత్రి కేసీఆర్... రాష్ట్ర ఆర్థిక స్థితి, కేంద్రం నుంచి రావాల్సిన నిధులు తదితర అంశాలపై సమీక్ష నిర్వహించారు. రాష్ట్ర ప్రస్తుత స్థితిగతులు, కేంద్రం నుంచి వచ్చిన నిధుల వివరాలపై చర్చించారు.

రాష్ట్ర నిధులకు కేంద్రం కోత

2019-20 ఆర్థిక సంవత్సరానికి రాష్ట్రానికి కేంద్ర పన్నుల వాటా ద్వారా రూ.19,719 కోట్లు ఇవ్వనున్నట్లు కేంద్రం తన బడ్జెట్లో పేర్కొంది. అయితే గడిచిన 8 నెలల్లో రాష్ట్రానికి అందిన కేంద్ర పన్నుల వాటాగా రూ.10,304 కోట్లు మాత్రమే వచ్చాయి. గత ఆర్థిక సంవత్సరంలో ఇదే 8 నెలల కాలానికి.. కేంద్రం నుంచి వచ్చిన పన్నుల వాటా రూ.10,528 కోట్లు. అయితే రూ.700 కోట్లు అధికంగా రావాల్సిన నిధులు రాకపోగా.. మరో రూ.224 కోట్లు తగ్గినందున మొత్తంగా రాష్ట్రానికి రావాల్సిన కేంద్ర పన్నుల వాటా రూ.924 కోట్ల మేర తగ్గింది.

కేంద్ర ఆర్థిక మంత్రికి సీఎం లేఖ

కేంద్ర పన్నుల వాటా గణనీయంగా తగ్గిన నేపథ్యంలో రాష్ట్రంలోని అన్ని శాఖలకు సమాంతరంగా నిధులు తగ్గించాలని ఆర్థిక శాఖ ముఖ్య కార్యదర్శిని.. ముఖ్యమంత్రి ఆదేశించారు. ఏదో ఒక శాఖలో కాకుండా అన్ని శాఖల్లోనూ ఖర్చులు తగ్గించేందుకు చర్యలు తీసుకోవాలని సూచించారు. రాష్ట్రంలో పరిస్థితి మరింత దిగజారకుండా ఉండాలంటే స్వీయ నియంత్రణ తప్ప మరో గత్యంతరం లేదని తెలిపారు. ఐజీఎస్టీ బకాయిలతో పాటు.. జీఎస్టీ పరిహారం రూ.4,531 కోట్లు రాష్ట్రానికి వెంటనే విడుదల చేయాలని కేంద్ర ఆర్థిక మంత్రి నిర్మలా సీతారామన్కు సీఎం లేఖలో విజ్ఞప్తి చేశారు.

కేంద్రం నుంచి రావాల్సిన డబ్బులు రాకపోతే... తమకు ఇబ్బందులు తలెత్తుతాయనే విషయాన్ని దిల్లీకి వెళ్లి ప్రధానికి, కేంద్ర ఆర్థిక మంత్రికి వివరించాలని ముఖ్యమంత్రి యోచిస్తున్నారు. రాష్ట్ర ఆర్థిక పరిస్థితిపై సమగ్ర నివేదిక రూపొందించి ఈ నెల 11న జరగనున్న మంత్రివర్గ సమావేశంలో మంత్రులు, అధికారులకు అందించాలని ఆర్థికశాఖను కేసీఆర్ ఆదేశించారు.

ఇవీచూడండి: ఈనెల 11న రాష్ట్ర మంత్రివర్గ సమావేశం

కేంద్రంపై కేసీఆర్ గుస్సా... త్వరలో మళ్లీ దిల్లీకి

ఉన్నతాధికారులతో ప్రగతి భవన్‌లో సమావేశమైన ముఖ్యమంత్రి కేసీఆర్... రాష్ట్ర ఆర్థిక స్థితి, కేంద్రం నుంచి రావాల్సిన నిధులు తదితర అంశాలపై సమీక్ష నిర్వహించారు. రాష్ట్ర ప్రస్తుత స్థితిగతులు, కేంద్రం నుంచి వచ్చిన నిధుల వివరాలపై చర్చించారు.

రాష్ట్ర నిధులకు కేంద్రం కోత

2019-20 ఆర్థిక సంవత్సరానికి రాష్ట్రానికి కేంద్ర పన్నుల వాటా ద్వారా రూ.19,719 కోట్లు ఇవ్వనున్నట్లు కేంద్రం తన బడ్జెట్లో పేర్కొంది. అయితే గడిచిన 8 నెలల్లో రాష్ట్రానికి అందిన కేంద్ర పన్నుల వాటాగా రూ.10,304 కోట్లు మాత్రమే వచ్చాయి. గత ఆర్థిక సంవత్సరంలో ఇదే 8 నెలల కాలానికి.. కేంద్రం నుంచి వచ్చిన పన్నుల వాటా రూ.10,528 కోట్లు. అయితే రూ.700 కోట్లు అధికంగా రావాల్సిన నిధులు రాకపోగా.. మరో రూ.224 కోట్లు తగ్గినందున మొత్తంగా రాష్ట్రానికి రావాల్సిన కేంద్ర పన్నుల వాటా రూ.924 కోట్ల మేర తగ్గింది.

కేంద్ర ఆర్థిక మంత్రికి సీఎం లేఖ

కేంద్ర పన్నుల వాటా గణనీయంగా తగ్గిన నేపథ్యంలో రాష్ట్రంలోని అన్ని శాఖలకు సమాంతరంగా నిధులు తగ్గించాలని ఆర్థిక శాఖ ముఖ్య కార్యదర్శిని.. ముఖ్యమంత్రి ఆదేశించారు. ఏదో ఒక శాఖలో కాకుండా అన్ని శాఖల్లోనూ ఖర్చులు తగ్గించేందుకు చర్యలు తీసుకోవాలని సూచించారు. రాష్ట్రంలో పరిస్థితి మరింత దిగజారకుండా ఉండాలంటే స్వీయ నియంత్రణ తప్ప మరో గత్యంతరం లేదని తెలిపారు. ఐజీఎస్టీ బకాయిలతో పాటు.. జీఎస్టీ పరిహారం రూ.4,531 కోట్లు రాష్ట్రానికి వెంటనే విడుదల చేయాలని కేంద్ర ఆర్థిక మంత్రి నిర్మలా సీతారామన్కు సీఎం లేఖలో విజ్ఞప్తి చేశారు.

కేంద్రం నుంచి రావాల్సిన డబ్బులు రాకపోతే... తమకు ఇబ్బందులు తలెత్తుతాయనే విషయాన్ని దిల్లీకి వెళ్లి ప్రధానికి, కేంద్ర ఆర్థిక మంత్రికి వివరించాలని ముఖ్యమంత్రి యోచిస్తున్నారు. రాష్ట్ర ఆర్థిక పరిస్థితిపై సమగ్ర నివేదిక రూపొందించి ఈ నెల 11న జరగనున్న మంత్రివర్గ సమావేశంలో మంత్రులు, అధికారులకు అందించాలని ఆర్థికశాఖను కేసీఆర్ ఆదేశించారు.

ఇవీచూడండి: ఈనెల 11న రాష్ట్ర మంత్రివర్గ సమావేశం

File : TG_Hyd_77_07_CM_Finances_Review_Pkg_3053262 From : Raghu vardhan Note : Feed and letter copy from whatsapp ( ) రాష్ట్రానికి రావాల్సిన నిధుల కోసం ముఖ్యమంత్రి కేసీఆర్ కేంద్రంపై ఒత్తిడి చర్యలు ప్రారంభించారు. రాష్ట్రానికి పన్నుల వాటాగా రావాల్సిన నిధులతో పాటు జీఎస్టీ బకాయిలు విడుదల చేయాలని కోరుతూ కేంద్ర ఆర్థిక మంత్రికి లేఖ రాసిన సీఎం... త్వరలోనే ప్రధానమంత్రిని కలిసేందుకు సిద్దమవుతున్నారు. కేంద్ర ప్రభుత్వ లోపభూయిష్ట విధానాల వల్లే ఆర్థిక పరిస్థితి ఆందోళనకరంగా తయారైందని ఆరోపించిన ముఖ్యమంత్రి... మాంద్యం ప్రభావం లేదంటూ కేంద్ర మంత్రులు చేస్తున్న వ్యాఖ్యలకు పొంతన లేదని ఆక్షేపించారు. కేంద్రం నుంచి నిధులు గణనీయంగా తగ్గిన నేపథ్యంలో స్వీయ నియంత్రణ, ఆర్థిక క్రమశిక్షణ పాటించాలని మంత్రులు, అధికారులను ఆదేశించిన కేసీఆర్... అన్ని శాఖల నిధులను తగ్గించాలని ఆర్థికశాఖకు స్పష్టం చేశారు. 11వ తేదీన జరగనున్న కేబినెట్ కు రాష్ట్ర ఆర్ధిక స్థితిగతులపై సమగ్ర నివేదిక అందించాలని సూచించారు...లుక్ వాయిస్ ఓవర్ - ఉన్నతాధికారులతో ప్రగతి భవన్ లో సమావేశమైన ముఖ్యమంత్రి కేసీఆర్ రాష్ట్ర ఆర్థిక పరిస్థితి – కేంద్రం నుంచి రావాల్సిన నిధులు తదితర అంశాలపై సమీక్ష నిర్వహించారు. రాష్ట్ర ప్రస్తుత స్థితిగతులు, కేంద్రం నుంచి వచ్చిన నిధుల వివరాలపై చర్చించారు. ఈ సమీక్షలో వాస్తవ ఆర్థిక పరిస్థితులు కుండ బద్ధలు కొట్టినట్లుగా బయటపడినట్లు ప్రభుత్వం తెలిపింది. 2019-20 ఆర్థిక సంవత్సరానికి రాష్ట్రానికి కేంద్ర పన్నుల వాటా ద్వారా 19,719 కోట్ల రూపాయలను అందివ్వనున్నట్లు కేంద్రం తన బడ్జెట్లో పేర్కొంది. అయితే, గడిచిన ఎనిమిది నెలల్లో రాష్ట్రానికి అందిన కేంద్ర పన్నుల వాటాగా 10,304 కోట్ల రూపాయలు మాత్రమే వచ్చాయి. గత ఆర్థిక సంవత్సరంలో ఇదే ఎనిమిది నెలల కాలానికి రాష్ట్రానికి కేంద్రం నుంచి వచ్చిన పన్నుల వాటా 10,528 కోట్ల రూపాయలు. అంటే నిరుటితో పోలిస్తే ఈ ఆర్థిక సంవత్సరంలో ఇప్పటి వరకు 224 కోట్ల రూపాయలు తక్కువగా వచ్చాయి. అంటే కేంద్ర బడ్జెట్లో సూచించిన లెక్కల ప్రకారం వాస్తవానికి 6.2 శాతం అధికంగా రాకపోగా 2.13 శాతం నిధులు తగ్గాయి. అంటే గత ఆర్థిక సంవత్సరం కంటే 700 కోట్లు అధికంగా రావాల్సిన నిధులు రాకపోగా, మరో 224 కోట్ల రూపాయలు తగ్గిపోవడంతో మొత్తంగా రాష్ట్రానికి రావాల్సిన కేంద్ర పన్నుల వాటా 924 కోట్ల మేర తగ్గింది. ఈ విషయమై రాష్ట్ర ఆర్థిక శాఖ ముఖ్యకార్యదర్శి రామకృష్ణారావు ఇటీవల దిల్లీలో కేంద్ర ప్రభుత్వ అధికారుల దృష్టికి తీసుకెళ్లి రాష్ట్రంలో అనేక పథకాలు ఇబ్బందులకు గురయ్యే పరిస్థితి వచ్చిందని వివరించారు. అయితే పరిస్థితులు నిరాశాజనకంగా ఉన్నాయన్న కేంద్ర ప్రభుత్వ అధికారులు... 8.3శాతం నుంచి మరింత తగ్గి 15 శాతానికి చేరుకునే పరిస్థితులు కనిపిస్తున్నాయని తెలిపారు. 15 శాతం తగ్గుదల అంటే మొత్తం ఏడాదికి కేంద్ర పన్నుల వాటాలో రాష్ట్రానికి రావాల్సిన నిధుల్లో 2,957 కోట్ల రూపాయలు తగ్గనున్నాయి. 2017-18 ఆర్థిక సంవత్సరానికి సంబంధించి ఐజీఎస్టీ ద్వారా రాష్ట్రానికి రావాల్సిన 2,812 కోట్ల రూపాయలు కూడా కూడా కేంద్రం ఇవ్వలేదు. ఈ విషయాన్ని కంప్ట్రోలర్ అండ్ ఆడిటర్ జనరల్ కూడా తన నివేదికలో స్పష్టంగా పేర్కొన్నారని చెప్పారు. 14 శాతం కంటే జీఎస్టీ ద్వారా తక్కువ రాబడి వచ్చిన రాష్ట్రాలకు ఇచ్చే నష్టపరిహారం కింద రాష్ట్రానికి మరో 1,719 కోట్ల బకాయిలు కూడా అందవలసి రావాల్సి ఉంది. ఆర్థిక పరిస్థితులు ఇలా ఉంటే దేశంపై ఆర్థిక మాంద్యం ప్రభావం లేదని పార్లమెంట్, బయట కేంద్ర ప్రభుత్వం ప్రతిరోజూ గొప్పలు చెబుతోందని... వాస్తవాలు మాత్రం ఇందుకు పూర్తి భిన్నంగా ఉన్నాయని ముఖ్యమంత్రి అన్నారు. కేంద్ర ప్రభుత్వ లోపభూయిష్ట విధానం వల్లే ఈ సంకట పరిస్థితి వచ్చిందన్న అభిప్రాయం సమావేశంలో వ్యక్తమైంది. పరిస్థితి ఇలానే కొనసాగితే రాష్ట్ర ఆర్థిక పరిస్థితి మరింత ఆందోళనకరంగా తయారయ్యే పరిస్థితులు కనిపిస్తున్నాయని... ఆర్థిక పరిస్థితి అనిశ్చితి స్థితిలో ఉందని ముఖ్యమంత్రి అన్నారు. కేంద్ర పన్నుల వాటా గణనీయంగా తగ్గిన నేపథ్యంలో రాష్ట్రంలోని అన్ని శాఖలకు సమాంతరంగా నిధులు తగ్గించాలని ఆర్థిక శాఖ ముఖ్య కార్యదర్శిని ఆదేశించారు. ఏదో ఒక శాఖలో కాకుండా అన్ని శాఖల్లోనూ ఖర్చులు తగ్గించేందుకు చర్యలు తీసుకోవాలని సూచించారు. రాష్ట్రంలో పరిస్థితి మరింత దిగజారకుండా ఉండాలంటే స్వీయ నియంత్రణ తప్ప మరో గత్యంతరం లేదని... అన్ని శాఖల్లో ఖర్చులకు కోత విధించుకోవాలని, కఠినమైన నియంత్రణ పాటించాలని సీఎం సూచించారు. ప్రస్తుత ఆర్థిక పరిస్థితికి తగ్గట్లుగా ఆర్థిక నియంత్రణ పాటించాలని, తగు ఆర్థిక క్రమ శిక్షణ పాటించాలని మంత్రులు, అధికారులను కోరారు. అటు కేంద్ర బడ్జెట్లో ప్రకటించిన ప్రకారం రాష్ట్రానికి కేంద్ర పన్నుల వాటాను విడుదల చేయాలని కోరుతూ కేంద్ర ఆర్థిక శాఖ మంత్రి నిర్మలా సీతారామన్ కు ముఖ్యమంత్రి కేసీఆర్ లేఖ రాశారు. లేదంటే వాస్తవాలను వెల్లడించాలని కోరారు. ఐజీఎస్టీ బకాయిలతో పాటు జీఎస్టీ పరిహారం 4531 కోట్ల రూపాయలు రాష్ట్రానికి వెంటనే విడుదల చేయాలని సీఎం లేఖలో విజ్ఞప్తి చేశారు. దీంతో పాటు రాష్ట్రానికి రావాల్సిన నిధుల కోసం ప్రధానమంత్రి నరేంద్రమోదీని కలిసే యోచనలో కేసీఆర్ ఉన్నారు. v.o. కేంద్రం నుంచి రావాల్సిన డబ్బులు రాకపోతే తమకు ఇబ్బందులు తలెత్తుతాయనే విషయాన్ని దిల్లీకి వెళ్లి ప్రధానికి, కేంద్ర ఆర్థిక మంత్రికి వివరించాలని ఆలోచిస్తున్నారు. ఐదారు రోజుల తర్వాత అధికారులతో పాటు హస్తిన వెళ్లి పరిస్థితి తీవ్రతను వివరించి నిధులు అడగాలని భావిస్తున్నారు. కేంద్రం నుంచి రావాల్సిన నిధులు, రాష్ట్ర ఆర్థిక పరిస్థితి , ఇతర ఆర్థిక అంశాలపై సమగ్రమైన నివేదిక రూపొందించి ఈ నెల 11న జరగనున్న మంత్రివర్గ సమావేశంలో మంత్రులు, అధికారులకు అందించాలని ఆర్థిక శాఖ అధికారులను ముఖ్యమంత్రి ఆదేశించారు. end

Last Updated : Dec 8, 2019, 7:23 AM IST

For All Latest Updates

TAGGED:

Telangana Cm KCR Review on Finances

Telangana Cm KCR Review

Copyright © 2024 Ushodaya Enterprises Pvt. Ltd., All Rights Reserved.