షేక్పేట్ తహసీల్దార్, ఆర్ఐలను అనిశాకు పట్టించిన వ్యక్తిని సీసీఎస్ పోలీసులు అరెస్ట్ చేశారు. బంజారాహిల్స్ రోడ్ నంబర్ 14లో విలువైన ప్రభుత్వ భూమిని సొంతం చేసుకునేందుకు సయ్యద్ అబ్దుల్ అనే వ్యక్తి ఫోర్జరీ పత్రాలు సృష్టించాడు. ఆ పత్రాలనే రెవెన్యూ కార్యాలయంలో సమర్పించాడు. ఎలాగైనా ప్రభుత్వ భూమిని సొంతం చేసుకునేందుకు ఆర్ఐ, బంజారాహిల్స్ ఎస్సైకి లంచం ఆశ చూపించాడు. రూ. 15 లక్షలు లంచం ఇచ్చి షేక్పేట్ ఆర్ఐని అనిశాకు పట్టించాడు.
అంతకంటే ముందే లంచం తీసుకున్న బంజారాహిల్స్ ఎస్సైని కూడా అనిశా అధికారులు అదే రోజు అరెస్ట్ చేశారు. ఇందులో తహసీల్దార్ ప్రమేయం ఉన్నట్లు గుర్తించి.. ఆదాయానికి మించిన ఆస్తుల కేసులో ఆమెనూ అరెస్ట్ చేశారు. కేసు దర్యాప్తులో భాగంగా సయ్యద్ అబ్దుల్ ఫోర్జరీ పత్రాలు సృష్టించినట్లు అనిశా అధికారులు గుర్తించారు. సీసీఎస్లో అబ్దుల్ సయ్యద్పై అనిశా అధికారులు ఫిర్యాదు చేశారు. కేసు నమోదు చేసుకుని, సీసీఎస్ పోలీసులు దర్యాప్తు చేపట్టారు. సయ్యద్ అబ్దుల్, అతనికి సహకరించిన అశోక్ను అరెస్ట్ చేసి రిమాండ్కు తరలించారు.
ఇదీ చూడండి : 'ప్రజా వినతులు స్వీకరించేందుకు కేటీఆర్ సమయం కేటాయించాలి'
