ఐ కాంట్ బ్రీత్ నినాదంతో అమెరికాలో జాతి వివక్ష ఉద్యమం తీవ్రమవుతున్న నేపథ్యంలో ప్రవాస భారతీయులు ఎలాంటి ఆందోళన చెందాల్సిన అవసరం లేదని తెలుగు అసోసియేషన్ ఆఫ్ నార్త్ అమెరికా -తానా ప్రెసిడెంట్ జయ శేఖర్ తాళ్లూరి అన్నారు.
అమెరికన్ పోలీసుల చేతిలో అసువులు బాసిన జార్జ్ ఫ్లాయిడ్ మృతికి వ్యతిరేకంగా జరుగుతున్న ఆందోళనలపై ఆయన స్పందించారు. దీన్ని కేవలం కొంతమంది పోలీసుల కర్కశ చర్యగా చూడాలన్నారు. ఐ కాంట్ బ్రీత్ నినాదంతో కొంతమంది దుండగలు కోవిడ్ కారణంగా మూసిఉన్న దుకాణాలను కొల్లగొడుతున్నారని..ఈ లూటీల్లో భారతీయులు కొంతమేర నష్టపోయారన్నారు. అల్లర్లను సద్దుమణిగించేందుకు అమెరికా ప్రభుత్వం సైన్యం సహాయం తీసుకుంటుందన్నారు. ఈ ఆందోళనల కారణంగా భారతీయులకు ఎలాంటి ప్రమాదం లేదని వెల్లడించారు.
"అమెరికాలో జార్జ్ ఫ్లాయిడ్ మృతికి కారణం కేవలం నలుగురు పోలీసులు మాత్రమే. కానీ ఇది జాతి వివక్ష ఉద్యమంగా తీవ్రమవుతోంది. దీనికి అందరూ మద్దతు పలుకుతున్నారు. అయితే ఈ సమయంలో భారతీయులు భయపడాల్సిన అవసరం లేదు. వారికి ఎలాంటి ప్రమాదం లేదు."
-జయ శేఖర్ తాళ్లూరి, తానా ప్రెసిడెంట్
ఇదీ చూడండి: పంట ధర నిర్ణయం రైతులకే- స్వేచ్ఛగా అమ్ముకోవచ్చు
