బోయిన్​పల్లి విమానాశ్రయ రహదారిలో స్వచ్ఛ భారత్​

సికింద్రాబాద్​లోని బోయినపల్లి పాత విమానాశ్రయ రహదారిలో వాకర్స్​ ఆసోసియేషన్ సభ్యులు స్వచ్ఛభారత్ కార్యక్రమం నిర్వహించారు. ఉదయం వాకింగ్​ వెళ్లేందుకు ఇబ్బందులు పడుతున్నామని వారు తెలిపారు. ప్రభుత్వం స్పందించి రహదారి సుందరీకరణ పనులు చేపట్టాలని కోరారు.

సికింద్రాబాద్​లోని బోయిన్​పల్లిలో వాకర్స్ అసోసియేషన్​ సభ్యులు స్వచ్ఛభారత్ కార్యక్రమాన్ని నిర్వహించారు. పాత విమానాశ్రయ రహదారికి ఇరువైపులా ఉన్న చెత్తను తొలగించారు. పారిశుద్ధ్య కార్మికులకు ఉచితంగా దుస్తులను అందజేశారు.

విమానాశ్రయం శంషాబాద్​కు తరలివెళ్లిన తర్వాత బేగంపేట ఎయిర్​పోర్ట్ రోడ్డు పరిసర ప్రాంతాలను విస్మరించారని అన్నారు. విమానాశ్రయ రహదారి పక్కన ఫుట్​పాత్​లు నిర్మించామని, ట్రాఫిక్ పోలీసుల సహకారంతో బారికేడ్లు ఉంచామన్నారు. రాబోయే రోజుల్లో వీధి దీపాలను ఏర్పాటు చేస్తామన్నారు. ప్రభుత్వం స్పందించి రహదారి మార్గాన్ని సుందరీకరణ చేయాల్సిన అవసరముందని వాకర్స్ అసోసియేషన్ సభ్యులు రమణ కోరారు.

ఇదీ చూడండి:అంతులేని అక్రమం... హైదరాబాద్ సరిహద్దుల్లో ఆక్రమణల పర్వం