హైదరాబాద్ గచ్చిబౌలి పరిధిలోని పలు బస్తీల్లో ఉంటున్న పశ్చిమ బంగ వలస కార్మికులకు నిత్యావసర వస్తువులు పంపిణీ చేశారు. సువర్ణ ఫౌండేషన్ ఆధ్వర్యంలో సుమారు 15 రోజులకు సరిపడ కిరాణా సామగ్రి వలస కూలీలకు అందజేశారు. బియ్యం, పప్పు, ఉల్లిగడ్డలు, కూరగాయలు తదితర వస్తువులను కార్మిక కుటుంబాలకు అందించారు. వలస కూలీలు లాక్డౌన్ను కఠినంగా పాటించాలని ఫౌండేషన్ ఛైర్మన్ రాజేశ్ బెస్త సూచించారు.
ఎట్టి పరిస్థితుల్లోనూ గుంపులు గుంపులుగా ఒకే చోట చేరకూడదని ఆయన కోరారు. ప్రభుత్వ నిబంధనలను ప్రజలంతా తప్పనిసరిగా అనుసరించాలని విజ్ఞప్తి చేశారు. కరోనా వైరస్ నేపథ్యంలో లాక్డౌన్ కారణంగా ఉపాధి కోల్పోయిన వలస కూలీల ఆకలి తీర్చడం కోసమే సామగ్రి పంపిణీ చేశామని సంస్థ ఛైర్మన్ రాజేశ్ స్పష్టం చేశారు.
ఇవీ చూడండి: రైతులను అవమానించడం క్షమించరాని నేరం: ఈటల
