హైదరాబాద్ సుల్తాన్ బజార్ పోలీస్ స్టేషన్ పరిధిలో ఈ నెల 22న సాయికుమార్ అనే యువకుని హత్యను పోలీసులు చేధించారు. కడప నుంచి అతనితో పాటు వచ్చిన తన స్నేహితులైన నరసింహా చారి(మైనర్), రియాజ్ అహ్మద్, శివకుమార్లే ఈ ఘాతుకానికి పాల్పడ్డారని వెల్లడించారు.
ప్రేయసి ప్రస్తావన వల్లే:
మూసాపేటలో ఉంటున్న రియాజ్ అహ్మద్ సోదరికి డబ్బు ఇవ్వడానికి 21న కడప నుంచి హైదరాబాద్ వచ్చిన నలుగురు స్నేహితులు వచ్చినట్లు పోలీసులు తెలిపారు. డబ్బు ఇచ్చిన అంతరం నగరంలో పలు ప్రాంతాలను సందర్శించి సుల్తాన్ బజార్లోని ఓ లాడ్జిలో సేదతీరారు. మద్యం సేవిస్తూ మాట్లాడుకుంటూ... ప్రస్తావనలో భాగంగా సాయికుమార్ ప్రేయసితో నరసింహాచారి చెడుగా ప్రవర్తించిన విషయాన్ని అహ్మద్ గుర్తుచేశాడని.. దీనితో కోపోద్రిక్తుడైన సాయి కుమార్ లాడ్జ్లోని కిటికీ అద్దాన్ని పగులగొట్టి.. కర్టన్ రాడ్తో చారిపై దాడి చేశాడని పోలీసులు తెలిపారు. సాయిని అదుపుచేయడానికి మిగిలిన ఇద్దరు స్నేహితులు ప్రతయత్నిస్తున్న తరుణంలో నరహింహా చారి.. పగిలిన కిటికీ అద్దాన్ని తీసుకుని సాయికుమార్ని పొడిచాడు. తీవ్ర రక్త స్రావంతో సాయి అక్కడకక్కడే మృతి చెందినట్లు పోలీసుల పేర్కొన్నారు.
పరారీలో ఉన్న అహ్మద్ను, నరసింహాచారి, శివకుమార్ శనివారం పోలీసులు అదుపులోకి తీసుకుని రిమాండ్కు తరలించినట్టు సుల్తాన్బజార్ సీఐ సుబ్బిరామిరెడ్డి తెలిపారు. ఆంధ్రప్రదేశ్లోని కడప జిల్లా చిన్న చౌక్ పోలీస్స్టేషన్లో వీరిపై గతంలో అనేక కేసులు ఉన్నట్టు తెలిపారు.
ఇదీ చూడండి: సుల్తాన్ బజార్లో దారుణ హత్య
