సచివాలయం, అసెంబ్లీ భవనాల అధ్యయనానికి కమిటీ

ప్రస్తుతం ఉన్న సచివాలయం భవనాలకు మరమ్మతులు లేదా వాటి స్థానంలో నూతన భవనాలు నిర్మించాలా అనే దానిపై అధ్యయనానికి మంత్రివర్గ ఉపసంఘం ఓ కమిటీని నియమించింది. సచివాలయంలో మంత్రి ప్రశాంత్​రెడ్డి అధ్యక్షతన జరిగిన సమావేశంలో కమిటీని ఏర్పాటు చేస్తూ నిర్ణయం తీసుకున్నారు. ఆర్​అండ్​బీ ఈఎన్​సీ గణపతి రెడ్డి దీనికి కన్వీనర్​గా వ్యవహరిస్తారు.

సచివాలయం, అసెంబ్లీ భవనాల నిర్మాణ అంశంపై మంత్రి ప్రశాంత్​రెడ్డి అధ్యక్షతన మంత్రివర్గ ఉపసంఘం సచివాలయంలో సమావేశమైంది. ప్రస్తుత భవనాల్లో సౌకర్యాలు, స్థితిగతులపై అధ్యయనానికి నలుగురు ఇంజినీర్​ ఇన్​ చీఫ్​లతో సాంకేతిక కమిటీ ఏర్పాటు చేశారు. ఆర్​అండ్​బీ ఈఎన్​సీ గణపతిరెడ్డి కమిటీకి కన్వీనర్​గా వ్యవహరిస్తారు. ఇంజినీర్లు రవీందర్​రావు, మురళీధర్​, సత్యనారాయణరెడ్డి కమిటీ సభ్యులుగా ఉంటారు. సచివాలయం, అసెంబ్లీ భవనాలకు మరమ్మతులు చేయాలా... నూతన భవంతులు నిర్మించాలా... అనేది పరిశీలించి వీరు నివేదిక ఇవ్వనున్నారు.

ఇదీ చూడండి : కర్​'నాటకం'లో కొనసాగుతున్న రాజీనామాల పర్వం