హైదరాబాద్​లోని ప్రైవేటు స్కూల్​లో విద్యార్థికి కరోనా

Student Effected by Corona: హైదరాబాద్​లోని ప్రైవేటు స్కూల్​లో విద్యార్థికి కరోనా సోకింది. గుండ్లపోచంపల్లి డీఆర్ఎస్ స్కూల్‌లో ఓ విద్యార్థికి కొవిడ్ సోకింది. దీంతో విద్యార్థి స్నేహితులు 14 మందిని హోంఐసోలేషన్‌కు తరలించారు. పాఠశాలను డిప్యూటీ డీఎంహెచ్​వో ఆనంద్.. వైద్య సిబ్బందితో కలిసి​ పరిశీలించారు. స్కూలు మొత్తాన్ని శానిటైజేషన్‌ చేయించారు.

ఇటీవలే విద్యార్థి ఓ ఫంక్షన్​కు హాజరుకావడంతో కరోనా సోకినట్లు వైద్యులు తెలిపారు. పాఠశాలలో మొత్తం 625 మంది విద్యార్థులు 100 మంది సిబ్బంది ఉన్నారు. విద్యార్థికి కరోనా సోకడంతో డీఆర్‌ఎస్‌ పాఠశాలకు యాజమాన్యం సెలవులు ప్రకటించింది. పిల్లలందరికి ఇంటి నుంచే ఆన్​లైన్ క్లాసులు నిర్వహిస్తున్నారు.

ఇదీ చూడండి: Omicron cases in telangana: రాష్ట్రంలో తొలిసారిగా 2 ఒమిక్రాన్‌ కేసులు నమోదు