ప్రముఖ శైవక్షేత్రం శ్రీశైలంలో బుధవారం నుంచి వారం రోజుల పాటు దర్శనాలు నిలిపివేస్తున్నామని ఆలయ ఈవో కె.ఎస్ రామరావు తెలిపారు. దేవాదాయశాఖ కమిషనర్ అనుమతితో ఈ నిర్ణయం తీసుకున్నామని అన్నారు.
ఆలయంలో విధులు నిర్వహించే ఇద్దరు పరిచారకులు, ముగ్గురు భద్రతా సిబ్బందికి కరోనా పాజిటివ్ నిర్ధరణ కావడం వల్ల ఈ నిర్ణయం తీసుకున్నామని వివరించారు. భక్తులకు దర్శనాలు నిలిపివేసినప్పటికీ... స్వామి, అమ్మవార్లకు నిత్య కైంకర్యాలు, ఇతర సేవలు యథాతథంగా జరుగుతాయని ఆయన పేర్కొన్నారు.
ఇదీ చూడండి: సచివాలయం కూల్చివేతతో ఏర్పడే వ్యర్థాలను ఏం చేస్తారంటే..
