విద్యతో పాటు సదాచారం, సంస్కారం, సామాజిక, నైతిక విలువలు పెంపొందించడంలో... శిశుమందిర్లు నానాజీ స్పూర్తితో నేటికీ పనిచేస్తున్నాయని హిమాచల్ ప్రదేశ్ గవర్నర్ బండారు దత్తాత్రేయ పేర్కొన్నారు. సరస్వతీ శిశుమందిరాల స్థాపకులు, భారతరత్న నానాజీ దేశ్ముఖ్ జయంతి వేడుకలను హిమాచల్ ప్రదేశ్లో నిర్వహించారు. కార్యక్రమంలో ముఖ్య అతిథిగా బండారు దత్తాత్రేయ పాల్గొన్నారు.
"ప్రతి చేతికి పని, ప్రతి చేనుకి నీరు" అనే నినాదంతో వందలాది గ్రామాల రూపురేఖలు మార్చిన ఘనత నానాజీ దేశ్ ముఖ్కు చెందుతుందని కొనియాడారు. నానాజీ దేశముఖ్ రాజర్షి అని... ఆయనతో కలిసి పనిచేయడం గొప్ప విషయంగా భావిస్తున్నానని పేర్కొన్నారు. ఆయన మరణానంతరం అవయవాలన్నీ ఎయిమ్స్ ఆస్పత్రికి అందించారని గుర్తుచేసుకున్నారు. నానాజీని నవ దాదీచిగా దత్తాత్రేయ అభివర్ణించారు.
ఇదీ చూడండి: ఎంసెట్ కౌన్సెలింగ్ షెడ్యూలులో మార్పులు
