దక్షిణ మధ్య రైల్వే క్రమక్రమంగా రైళ్ల పునరుద్ధరణ చేపడుతోంది. తెలంగాణలో ఎక్కువ మంది ఉపయోగించే సిర్పూర్ కాగజ్నగర్- సికింద్రాబాద్ డైలీ ప్రత్యేక రైలును వచ్చే నెల ఒకటో తేదీ నుంచి నడపనున్నట్లు ప్రకటించింది. జమ్ముకశ్మీర్లోని జమ్ముతావీ స్టేషన్ నుంచి తిరుపతి వెళ్లే రైలును వచ్చే నెల 6 నుంచి ప్రారంభించనున్నట్లు పేర్కొంది.
అదే విధంగా 30 ప్రత్యేక రైళ్లను మరికొన్ని రోజులు నడపనున్నట్లు ప్రకటించింది. ఇందులో విశాఖపట్నం-లింగంపల్లి, కడప-విశాఖపట్నం, భువనేశ్వర్-చెన్నై, విశాఖపట్నం-హజ్రత్ నిజాముద్దీన్ తదితర రైళ్లు ఉన్నాయి.
ఇదీ చదవండి: వాతావరణం మార్పుతో వైరల్‌ పంజా... అశ్రద్ధ తగదు!
