Sixthday Nominations in Telangana : అసెంబ్లీ ఎన్నికల్లో(TS Assembly Elections) ఈసారి హైదరాబాద్‌లో బహుముఖపోరు కనబడుతోంది. ప్రధాన పార్టీలైన బీఆర్ఎస్, బీజేపీ, కాంగ్రెస్‌లకు తోడు.. చిన్నచిన్న పార్టీల అభ్యర్థులు జోరుగా నామినేషన్లు వేస్తున్నారు. ఖైరతాబాద్ నియోజకవర్గం నుంచి బీఆర్ఎస్(BRS) అభ్యర్థిగా ఎమ్మెల్యే దానం నాగేందర్ జీహెచ్ఎంసీ కార్యాలయంలో నామినేషన్ పత్రాలు సమర్పించారు. ఖైరతాబాద్ వినాయకున్ని దర్శించుకున్న తర్వాత మంత్రి తలసానితో కలిసి భారీర్యాలీ నిర్వహించారు.
రాష్ట్రవ్యాప్తంగా ఊపందుకున్న నామినేషన్ల ప్రక్రియ-ఇవాళ ముఖ్య నాయకుల్లో ఈటల, కోమటిరెడ్డి
Telangana Assembly Elections 2023 : సూర్యాపేట జిల్లా కోదాడ నియోజకవర్గం నుంచి బీఆర్ఎస్ అభ్యర్థిగా బొల్లం మల్లయ్యయాదవ్ రెండు సెట్ల నామినేషన్ దాఖలు చేశారు. ఎమ్మెల్సీ రవీందర్‌రావు, పార్టీ సీనియర్‌ నేత శశిధర్రెడ్డితో కలిసి పట్టణంలో భారీ ర్యాలీ నిర్వహించారు. పెద్దపల్లి జిల్లా మంథని బీఆర్ఎస్ అభ్యర్థి పుట్టా మధుకర్ పార్టీ శ్రేణులతో కలిసి ర్యాలీగా వచ్చి ఆర్డీవో కార్యాలయంలో నామినేషన్ పత్రాలు సమర్పించారు. వరంగల్ జిల్లా నర్సంపేట బీఆర్ఎస్ అభ్యర్థి పెద్ది సుదర్శన్ రెడ్డి ఎలాంటి హంగూ ఆర్బాటం లేకుండా రిటర్నింగ్‌ కార్యాలయానికి వచ్చి నామినేషన్ సమర్పించారు.
కరీంనగర్ జిల్లా చొప్పదండి నియోజకవర్గంలో బీఆర్ఎస్ అభ్యర్థి సుంకె రవిశంకర్ భారీ జనసందోహం మధ్య నామపత్రాలు దాఖలు చేశారు. నాగర్‌ కర్నూల్‌ బీఆర్ఎస్ అభ్యర్థిగా మర్రి జనార్థన్‌రెడ్డి రిటర్నింగ్‌ అధికారికి నామినేషన్ పత్రాలు అందజేశారు. మహబూబాబాద్ జిల్లా డోర్నకల్ నియోజకవర్గం బీఆర్ఎస్ అభ్యర్థి రెడ్యా నాయక్ నామినేషన్ దాఖలు చేశారు. సిద్దిపేట జిల్లా హుస్నాబాద్ నుంచి బీఆర్ఎస్ అభ్యర్థిగా ఎమ్మెల్యే సతీష్ కుమార్ నామినేషన్ వేశారు.
BJP Candidates Nominations in Telangana : పార్టీ బీఫారాలు లభించిన బీజేపీ(BJP) అభ్యర్థులు నామినేషన్ల దాఖలు చేస్తున్నారు. కామారెడ్డి నియోజకవర్గం నుంచి బీజేపీ తరఫున కాటిపల్లి వెంకట రమణారెడ్డి.. కేంద్ర మంత్రి పురుషోత్తం రూపాలతో కలిసి నామినేషన్ దాఖలు చేశారు. నారాయణపేట నియోజకవర్గం నుంచి బీజేపీ అభ్యర్థి రతంగ పాండురెడ్డి నామినేషన్ దాఖలు చేశారు. సూర్యాపేట జిల్లా హుజూర్‌ నగర్ నుంచి బీజేపీ అభ్యర్థి చల్లా శ్రీలతా రెడ్డి నామినేషన్ వేశారు.
హైదరాబాద్ యాకుత్‌పురా అసెంబ్లీ స్థానానికి బీజేపీ అభ్యర్థి వీరేంద్ర యాదవ్ నామినేషన్ దాఖలు చేశారు. ఈ కార్యక్రమంలో పార్టీ నాయకులు పెద్ద ఎత్తున పాల్గొన్నారు. నిజామాబాద్ అర్బన్‌ బీజేపీ అభ్యర్థి ధన్‌పాల్‌ సూర్యనారాయణ నగరంలో భారీ ర్యాలీ చేస్తూ విభిన్న కళారూపాల ప్రదర్శనల మధ్య నామినేషన్ వేశారు. మహబూబ్నగర్ నియోజకవర్గంలో బీజేపీ తరఫున మిథున్‌రెడ్డి తమ నామపత్రాలను రిటర్నింగ్‌ అధికారికి అందజేశారు. భద్రాచలం బీజేపీ అభ్యర్థి కుంజా ధర్మారావు ఎన్నికల అధికారికి తమ నామినేషన్ పత్రాలు సమర్పించారు.
సీఎం కేసీఆర్పై - గజ్వేల్లో చెరుకు రైతుల నామినేషన్లు
Congress Candidates Nominations in Telangana : కాంగ్రెస్(Telangana Congress) పార్టీ తరఫున అభ్యర్థులు తమ నామినేషన్ పత్రాలను రిటర్నింగ్‌ అధికారులకు సమర్పిస్తున్నారు. హైదరాబాద్ అంబర్ పేట్ నియోజకవర్గం నుంచి కాంగ్రెస్ అభ్యర్థిగా రోహిన్రెడ్డి పార్టీ కార్యకర్తలతో కలిసి భారీ ర్యాలీగా వచ్చి నామినేషన్ దాఖలు చేశారు. ముషీరాబాద్ నియోజకవర్గంలో కాంగ్రెస్ పార్టీ తరఫున అంజన్ కుమార్ యాదవ్ నామినేషన్ పత్రాలు రిటర్నింగ్‌ అధికారికి అందజేశారు. సిద్దిపేట జిల్లా గజ్వేల్లో కాంగ్రెస్ పార్టీ అభ్యర్థి తూముకుంట నర్సారెడ్డి నామినేషన్ దాఖలు చేశారు. ఆదిలాబాద్ నియోజకవర్గంలో కాంగ్రెస్ అభ్యర్థి కంది శ్రీనివాస్ రెడ్డి నామినేషన్ సమర్పించారు.
కామారెడ్డి నియోజకవర్గంలో కాంగ్రెస్ అభ్యర్థి పీసీసీ అధ్యక్షుడు రేవంత్రెడ్డి తరఫున మాజీ మంత్రి షబ్బీర్ అలీ నామినేషన్ పత్రాలు సమర్పించారు. జోగులాంబ గద్వాల జిల్లా గద్వాల నియోజకవర్గంలో కాంగ్రెస్ పార్టీ తరఫున జిల్లా పరిషత్ చైర్మన్ సరిత నామినేషన్ వేశారు. నారాయణపేట నుంచి కాంగ్రెస్ పార్టీ అభ్యర్థిగా పర్నికా రెడ్డి నామినేషన్ పత్రాలను ఎన్నికల రిటర్నింగ్‌ అధికారికి అందజేశారు.మహబూబ్నగర్ కాంగ్రెస్ పార్టీ అభ్యర్థి యెన్నం శ్రీనివాస్‌రెడ్డి పార్టీ నాయకులతో కలిసి నామినేషన్ అందజేశారు.
సిద్దిపేట కాంగ్రెస్ అభ్యర్ధిగా పూజల హరికృష్ణ నామినేషన్ దాఖలు చేశారు. జగిత్యాల జిల్లా కోరుట్ల కాంగ్రెస్ అభ్యర్థిగా జువ్వాడి నర్సింగరావు తన నామినేషన్ దాఖలు చేశారు. భద్రాద్రి కొత్తగూడెం జిల్లా అశ్వరావుపేట నియోజకవర్గం లో కాంగ్రెస్ పార్టీ అభ్యర్థిగా జారే ఆదినారాయణ, భద్రాచలంలో సీపీఎం అభ్యర్థి కారం పుల్లయ్య పార్టీ ముఖ్యనేతలతో కలిసి రిటర్నింగ్‌ కార్యాలయంలో నామినేషన్ దాఖలు చేశారు. సిద్దిపేట జిల్లా హుస్నాబాద్ కాంగ్రెస్ పార్టీ అభ్యర్థిగా పొన్నం ప్రభాకర్ నామినేషన్ పత్రాలు సమర్పించారు.
ఈ ఎన్నికల్లో ప్రధాన పార్టీలతో పాటుగా చిన్నపార్టీలు, స్వతంత్ర అభ్యర్థుల కొందరు నామినేషన్లు దాఖలు చేస్తున్నారు. నిజామాబాద్ జిల్లా బోధన్ నియోజకవర్గం నుంచి శివసేన పార్టీ అభ్యర్థిగా పసులోటి గోపీకిషన్ నామినేషన్ దాఖలు చేశారు. నారాయణపేట జిల్లా మక్తల్ నియోజకవర్గం నుంచి బహుజన లెఫ్ట్ పార్టీ తరపున మ్యాతరీ మంజుల, సిద్దిపేట జిల్లా ముత్యంపేట చక్కెర ఫ్యాక్టరీని తెరిపించకపోవడంతో నిరసనగా... గజ్వేల్ నియోజకవర్గంలో జగిత్యాల జిల్లాకు చెందిన ముగ్గురు చెరుకు రైతులు నామినేషన్ దాఖలు చేశారు. గత ఎన్నికల్లో పసుపు బోర్డు కోసం నామినేషన్ వేశామని అదే స్ఫూర్తితో గజ్వేల్లో నామినేషన్లు వేశామన్నారు.
తెలంగాణలో జోరుగా నామినేషన్లు, ఇవాళ ముఖ్య నాయకుల్లో రేవంత్, బండి సంజయ్
