సికింద్రాబాద్ కంటోన్మెంట్ ప్రాంత సమస్యలను పరిష్కరిస్తూ అభివృద్ధి పథంలో తీసుకెళ్లడమే లక్ష్యమని కంటోన్మెంట్ బోర్డు ఉపాధ్యక్షులు జక్కుల మహేశ్వర్రెడ్డి తెలిపారు. కంటోన్మెంట్ డీఈవో కార్యాలయంలో కంటోన్మెంట్ బోర్డు సభ్యులతో ఆర్మీ అధికారులు, రక్షణ శాఖ అధికారులతో సర్వసభ్య సమావేశం జరిగింది. సమావేశంలో భాగంగా అభివృద్ధి పనుల నిమిత్తం నిధులు మంజూరు చేసినట్లు తెలిపారు. ఇటీవల కురిసిన భారీ వర్షాలకు కంటోన్మెంట్ పారిశుద్ధ్య విభాగానికి కార్మికులు చేసిన కృషికి ధన్యవాదాలు తెలిపారు.
రామన్నకుంట చెరువు వద్ద వరద ప్రభావం ఎక్కువగా ఉన్నందున.. ఆ ప్రాంతంలో వైట్ టాపింగ్ రహదారిని ఏర్పాటు చేసేందుకు నిధులు కేటాయించినట్లు తెలిపారు. రానున్న రోజుల్లోనూ వర్ష సూచన ఉన్నందున.. ముందస్తుగానే అన్ని చర్యలు తీసుకుంటామని బోర్డు సమావేశంలో నిర్ణయించామని మహేశ్వర్రెడ్డి తెలిపారు.
వరద ప్రభావిత ప్రాంతాల్లో ఉన్న నిర్వాసితులకు రాష్ట్ర ప్రభుత్వం ఇస్తున్న రేషన్ కిట్ను కంటోన్మెంట్లోనూ ఇచ్చేలా కృషి చేస్తామన్నారు. కంటెన్మెంట్లో అస్తవ్యస్థంగా ఉన్న రహదారులను మరమ్మతులు చేయిస్తామని హామీ ఇచ్చారు. నాలాపై ఉన్న అక్రమ నిర్మాణాల విషయంలో కఠినంగా వ్యవహరిస్తామన్నారు. కంటోన్మెండ్ మౌలిక సదుపాయాలు మంచినీటి సరఫరా, వీధి దీపాల పునరుద్ధరణతో పాటు పలు అభివృద్ధి అంశాలపై చర్చ జరిగిందన్నారు.
ఇవీ చూడండి: మరోసారి భారీ వర్షసూచన.. లోతట్టు ప్రాంతాల్లో ముందస్తు చర్యలు
