అరుదైన ఘనత సాధించిన రుషికొండ... బ్లూ ఫ్లాగ్​ బీచ్​గా గుర్తింపు

ప్రపంచ శ్రేణి పరిశుభ్ర బీచ్​ల జాబితాలో ఏపీలోని విశాఖ చోటు సంపాదించింది. 'బ్లూ ఫ్లాగ్ బీచ్'​గా రుషికొండ బీచ్ అరుదైన గౌరవాన్ని దక్కించుకుంది.

'బ్లూ ఫ్లాగ్ బీచ్'గా రుషికొండ బీచ్ అరుదైన ఘనత సాధించింది. బ్లూ ఫ్లాగ్ స్టాండర్డ్స్​ను అమలు చేస్తున్న 8 సముద్రతీరాల వివరాలను అంతర్జాతీయ జ్యూరీకి అందించారు. మూడేళ్లుగా ఈ బీచ్​లలో చేసిన అభివృద్ధి పనులను అందులో వివరించారు. వాటిలో రుషికొండ బీచ్ ఒకటిగా ఉంది. పరిశుభ్ర బీచ్​గా రుషికొండ సాధించిన ఘనత పర్యటకానికి మేలు చేయనుంది.

బ్లూ ఫ్లాగ్ సర్టిఫికేషన్ దక్కించుకోవడం సంతోషంగా ఉందని ఏపీ టూరిజం సీఈఓ ప్రవీణ్ కుమార్ అన్నారు. విశాఖతో పాటు ఆంధ్రప్రదేశ్​కు అంతర్జాతీయ గుర్తింపు వచ్చిందని చెప్పారు. దీంతో పర్యాటకాభివృద్ధికి అవకాశాలు పెరుగుతాయన్నారు. రుషికొండ బీచ్​ను ఇంకా ఆకర్షణీయంగా తీర్చిదిద్దుతామని... 7 నక్షత్రాల హోటల్​ను అందుబాటులోకి తెస్తామని చెప్పారు.

ఇదీ చదవండి: అమితాబ్​కు చిరు విషెస్.. 'ప్రతిభకు పవర్​హౌస్' అని ట్వీట్