నకిలీ మెయిల్‌తో ఖాతా నుంచి రూ.50వేలు చోరీ

నకిలీ ఈమెయిల్ ఐడీ ద్వారా రూ.50వేల నగదు అపహరించిన ఘటన మహానగరంలో చోటు చేసుకుంది. తార్నాకకు చెందిన బాబు ఫిర్యాదు మేరకు కేసు నమోదు చేసిన సైబర్​ క్రైం పోలీసులు.. దర్యాప్తు చేస్తున్నారు.

హైదరాబాద్​ మహానగరంలో సైబర్ నేరగాళ్లు రెచ్చిపోయారు. ఓ వ్యక్తి పేరుతో నకిలీ మెయిల్ ఐడి క్రియేట్ చేసి..అత్యవసరంగా డబ్బు అవసరం ఉందని.. తార్నాకకు చెందిన బాబుకు మెయిల్ చేశారు. తన మిత్రుడి పేరుతో రావడం వల్ల నిజమే అనుకొని.. వారు పంపించిన అకౌంట్​కు రూ. 50 వేల నగదు బదిలీ చేశాడు.

సైబర్​ క్రైం పోలీసులకు ఫిర్యాదు

మరుసటి రోజు డబ్బు పంపిన విషయమై తన మిత్రుడి వద్ద ఆరాతీసిన బాబు.. మోసపోయినట్లు తెలుసుకున్నాడు. తనకు వచ్చిన ఈమెయిల్​ ఆధారంగా సైబర్​ క్రైం పోలీసులకు ఫిర్యాదు చేశాడు. దీనిపై కేసు నమోదు చేసిన పోలీసులు దర్యాప్తు చేస్తున్నారు.

ఇదీ చూడండి: సీఎం కేసీఆర్ ఆశీర్వాదం తీసుకున్న మర్రి రాజశేఖర్ రెడ్డి