Rice Millers Association: 'ప్రతిగింజా కొంటామంటూనే.. ఏర్పాట్లు చేయట్లేదు!'

ధాన్యం ప్రతి గింజా కొంటామంటూనే తగిన ఏర్పాట్లు చేయకుండా ప్రభుత్వం రైతులను సంక్షోభంలోకి నెట్టేస్తోందని రైస్‌ మిల్లర్ల సంఘం(Rice Millers Association) ఆవేదన వ్యక్తం చేసింది. బాయిల్డ్‌ రైస్‌, రా రైస్‌ అంశంపై కేంద్ర, రాష్ట్ర ప్రభుత్వాలు కూర్చొని చర్చించకుండా.. రైతులు, మిల్లర్లను ఇబ్బందుల్లోకి నెట్టేస్తున్నాయని పేర్కొంది. ఈ సమస్యపై త్వరగా ఓ నిర్ణయం తీసుకోవాలని కోరింది.

బాయిల్డ్‌ రైస్‌, రా రైస్‌ అంశంపై కేంద్ర, రాష్ట్ర ప్రభుత్వాలు కూర్చొని చర్చించకుండా.. రైతులు, మిల్లర్లను ఇబ్బందుల్లోకి నెట్టేస్తున్నాయని రైస్‌ మిల్లర్ల సంఘం(Rice Millers Association) ఆవేదన వ్యక్తంచేసింది. హైదరాబాద్‌లో బేగంపేట టూరిజం ప్లాజా హోటల్‌లో ఇవాళ ఏర్పాటు చేసిన మీడియా సమావేశంలో మాట్లాడిన దక్షిణ భారత రైస్‌ మిల్లర్ల సంఘాల సమాఖ్య... ఈ సమస్యపై త్వరగా ఓ నిర్ణయం తీసుకోవాలని కోరింది. ధాన్యం ప్రతి గింజను కొంటామంటూనే తగిన ఏర్పాట్లు చేయకుండా ప్రభుత్వం రైతులను సంక్షోభంలోకి నెట్టేస్తోందని సమాఖ్య అధ్యక్షుడు తూడి దేవేందర్ ఆవేదన వ్యక్తంచేశారు. క్షేత్రస్థాయిలో గోనె సంచులు, హమాలీల కొరత, రవాణ, గోదాముల సమస్యలు వేధిస్తున్నాయన్న ఆయన... బియ్యం సేకరణ వేగవంతం చేయకపోవడంతో రైస్ మిల్లర్స్(Rice Millers Association) ఇబ్బందులు పడుతున్నారని తెలిపారు.

ధాన్యం కొనుగోలు విషయంలో తాత్సారం చేయవద్దన్నారు. ఇతర రాష్ట్రాల్లో వినియోగం లేదని కేంద్రం ధాన్యం తీసుకోవట్లేదన్న దేవేందర్‌(Rice Millers Association).. ఎప్పటికప్పుడు విదేశాలకు ఎగుమతులు చేసుకోవచ్చని సూచించారు. అంతర్జాతీయ ఎగుమతులను ప్రోత్సహించాలని అన్నారు. ప్రభుత్వం అనుమతిస్తే తామే విదేశాలకు ఎగుమతి చేసుకుంటామని తెలిపారు. రైతులు నేరుగా మిల్లర్ల వద్దకు ధాన్యాన్ని తీసుకువచ్చి విక్రయించే వ్యవస్థ కావాలని తూడి దేవేందర్ రెడ్డి కోరారు. ఐకేపీ, పీఏసీఎస్‌ కేంద్రాలు కూడా కొనసాగాలన్నారు. రైతుల సంక్షేమం, వినియోగదారులకు లాభం చేకూరే కోణంలో కేంద్రం ఆలోచన చేయాలని ఆయన విజ్ఞప్తి చేశారు. ధాన్యం సేకరణపై కేంద్ర, రాష్ట్ర ప్రభుత్వాలు ఆమోదయోగ్యమైన నిర్ణయం తీసుకోవాలని కోరారు.

ఈ పరిస్థితి నుంచి గట్టెక్కాలంటే మూడు మార్గాలున్నాయి. రైతుకు నష్టం పరిహారం ఇస్తే రైతు బయటపడతాడు. లేదు మిల్లర్లకు ఇచ్చినా... మేం రైతు దగ్గర తక్కువ ధరకు కొని.. గవర్నమెంట్ ఇచ్చే అమౌంట్​ను కలుపుకొని మేం అంతర్జాతీయ మార్కెట్లో తక్కువ ధరకు బియ్యాన్ని అమ్ముతాం. లేదంటే ప్రభుత్వమైనా బియ్యాన్ని అమ్ముకోవచ్చు.పెద్ద ఇబ్బంది అయితే కాదు. రైతుకు నష్టం ఇచ్చినా, మాకు నష్టం ఇచ్చినా క్వింటాకు రూ.400 లేదు రూ.500 సరిపోతుంది. కానీ ఫుడ్ కార్పొరేషన్ ఆఫ్ ఇండియా ఒక క్వింటా ధాన్యానికి రూ.వెయ్యి నష్టపోతుంది. ఇలా చేసే కన్నా మేమే బియ్యాన్ని సేకరిస్తాం. అంతర్జాతీయ మార్కెట్​లో మేమే అమ్ముకుంటాం. మద్దతు ధర కంటే ఎంత తక్కువ అమ్మకం వస్తదో తెలియనిది కాదు. ఏరోజుకు ఆరోజు తెలుస్తూనే ఉంటుంది. దానికి తగ్గట్లు క్రాప్ స్టార్టింగ్​లోనే రేట్ డిసైడ్ చేస్తే అయిపోతుంది. ఇంత చిన్న సమస్యపై కూర్చొని మాట్లాడుకోకుండా ఎవరికీ వాళ్లే చేతులు దులుపుకుంటూ... ఇవాళ రైతులు, మిల్లర్లను ఇబ్బందుల్లో పడేస్తున్నాయి.

-తూడి దేవేందర్, సమాఖ్య అధ్యక్షుడు

ఇదీ చదవండి: Etela rajender comments: 'హుజూరాబాద్ తీర్పు ఆరంభం మాత్రమే... త్వరలో రాష్ట్రవ్యాప్తంగా పునరావృతం'