నగరంలో రంగవల్లుల పోటీలు.. ఉత్సాహంగా పాల్గొన్న మహిళలు

నగరంలో సంక్రాంతి సంబురాలు ఊపందుకున్నాయి. ఒకవైపు పతంగులు ఎగురవేస్తూ.. మరో వైపు ముగ్గులు వేస్తూ ప్రజల ఆనందిస్తున్నారు. పట్టణంలోని వివిధ ప్రాంతాల్లోని మహిళలకు పలు స్వచ్ఛంద సంస్థలు రంగవల్లుల పోటీలు నిర్వహిస్తూ బహుమతులను అందజేస్తున్నారు. ఈ కార్యక్రమాల్లో మహిళలు చిన్నా పెద్దా తేడా లేకుండా ఉత్సాహంగా పాల్గొంటున్నారు.

సంక్రాంతి పండుగను పురస్కరించుకుని ముషీరాబాద్ నియోజకవర్గంలోని పలు ప్రాంతాల్లో, సంస్కృతి ఫౌండేషన్ ఆధ్వర్యంలో నల్లకుంటలోని పాత రామాలయం వద్ద ముగ్గుల పోటీలు జరిగాయి. ముషీరాబాద్​విద్యానగర్​లోని ఓ అపార్ట్​మెంట్​లో నిర్వహించిన రంగోళి పోటీలకు బీజేపీ రాష్ట్ర అధ్యక్షులు డాక్టర్ లక్ష్మణ్ ఆయన సతీమణి ఉమా లక్ష్మణ్ తదితరులు ముఖ్య అతిథులుగా హాజరయ్యారు.

సంక్రాంతి పండుగ అంటేనే ముత్యాల ముగ్గులు గుర్తొస్తాయని ఈ రంగవల్లులను తీర్చిదిద్దడంలో మహిళలు ఎంతో సంతోషిస్తారని ఉమాలక్ష్మణ్​ తెలిపారు. ముగ్గుల్లో విజేతలుగా నిలిచిన వారికి బహుమతులను ప్రదానం చేశారు.

నల్లకుంటలోని రామాలయం వద్ద జరిగిన ముగ్గుల పోటీ న్యాయ నిర్ణేతగా ఫీవర్​ ఆస్పత్రి ప్రొఫెసర్​ డాక్టర్.​సుధారాణి హాజరై బహుమతులను అందించారు.

ఇదీ చూడండి: సీఏఏ​, ఎన్​ఆర్సీలను స్వాగతిస్తూ... యువతుల ముగ్గులు