భాగ్యనగరంలో జోరుగా వర్షం

హైదరాబాద్​లోని పలు ప్రాంతాల్లో జోరుగా వర్షం కురిసింది. లోతట్టు ప్రాంతాలు జలమయం అయ్యాయి. జీహెచ్​ఎంసీ సిబ్బంది పరిస్థితిని చక్కదిద్దేందుకు చర్యలు ప్రారంభించింది.

హైదరాబాద్​లోని పలు ప్రాంతాల్లో వర్షం కురిసింది. సికింద్రాబాద్​, మలక్​పేట, చిలకలగూడ, మారేడ్​పల్లి, బోయిన్​పల్లి, ప్యారడైస్, ప్యాట్నీ, జేబీఎస్, వనస్థలిపురం, ఎల్బీనగర్ పరిసర ప్రాంతాల్లో వాన కురిసింది. ఉప్పల్, రామంతాపూర్, బోడుప్పల్, మేడిపల్లి, ఘట్​కేసర్ తదితర ప్రాంతాలలో కురిసిన వర్షానికి రహదారులు జలమయం అయ్యాయి. లోతట్టు ప్రాంతాలు నీటితో నిండిపోయాయి. మలక్​పేట గంజ్​లోకి నీరు చేరడం వల్ల వ్యాపారులు, వినియోగదారులు తీవ్ర ఇబ్బందులు పడ్డారు. మురికివాడల్లోకి వర్షంతో పాటు మురుగునీరు ఇళ్లల్లోకి చేరడం వల్ల ప్రజలు తీవ్ర ఇబ్బందులు పడ్డారు. కొన్ని ప్రాంతాల్లో విద్యుత్ సరఫరాకు అంతరాయం ఏర్పడింది. డ్రైనేజీలు పొంగి పొర్లుతున్నాయి. జీహెచ్​ఎంసీ సిబ్బంది పరిస్థితిని చక్కదిద్దుతున్నారు.

ఇవీ చూడండి: 'మాయ మాటలు చెప్పి... నా కూతుర్ని ఎత్తుకెళ్లాడు'