రహమత్​నగర్​ డివిజన్​ ఆదర్శంగా తీర్చిదిద్దుతా: నారాయణ రెడ్డి

గ్రేటర్​ను అభివృద్ధి బాటలో నడిపిస్తున్న తెరాసను ప్రజలు ఆదరించాలని రహమత్​నగర్ డివిజన్​ అభ్యర్థి నారాయణరెడ్డి విజ్ఞప్తి చేశారు. డివిజన్​లోని సమస్యల పరిష్కరానికి కృషి చేస్తానని అన్నారు. పలు కాలనీల్లో జోరుగా ఆయన ఎన్నికల ప్రచారం నిర్వహించారు.

అధికార తెరాస అభ్యర్థులు ప్రచారంలో దూసుకుపోతున్నారు. జీహెచ్​ఎంసీ ఎన్నికల్లో తెరాసను గెలిపించాలంటూ రహమత్​నగర్ అభ్యర్థి నారాయణరెడ్డి ముమ్మరంగా డివిజన్​లో పర్యటించారు. అభివృద్ధి చేస్తున్న తెరాసకే పట్టం కట్టాలంటూ ఓటర్లను కోరారు.

గ్రేటర్​లోనే రహమత్​నగర్​ డివిజన్​ను ఆదర్శంగా తీర్చదిద్దుతానని ప్రజలకు ఆయన హామీ ఇచ్చారు. బల్దియా ఎన్నికల్లో తాము భారీ మెజారిటీతో గెలుస్తామని ధీమా వ్యక్తం చేశారు. డివిజన్​లో బడుగు బలహీన వర్గాల కోసం, ప్రతి సమస్యను పరిష్కరించేదుకు చొరవ చూపుతానని నారాయణరెడ్డి వెల్లడించారు.

ఇదీ చూడండి:చైతన్యవంతులు అభివృద్ధికే పట్టం కడతారు: కేసీఆర్