ఏపీ కృష్ణా జిల్లా జగ్గయ్యపేట మండలం అనుమంచిపల్లి వద్ద జాతీయ రహదారిపై గురువారం తెల్లవారుజామున ఓ ప్రైవేట్ ట్రావెల్స్ బస్సు బోల్తా పడింది. విశాఖ నుంచి హైదరాబాద్‌ వెళ్తుండగా ఈ ప్రమాదం జరిగింది. ఘటన జరిగిన సమయంలో బస్సులో 50 మంది ప్రయాణికులు ఉన్నట్లు సమాచారం.
వీరిలో 35 మందికి గాయాలయ్యాయి. క్షతగాత్రులను జగ్గయ్యపేట ఆసుపత్రికి తరలించి చికిత్స అందిస్తున్నారు. బాధితులు విశాఖ, ఒడిశాకు చెందిన వారిగా అధికారులు గుర్తించారు. ప్రమాదానికి కారణాలు, ప్రయాణికుల పూర్తి వివరాలు తెలియాల్సి ఉంది.
ఇదీ చూడండి: ఫార్మాసిటీ, జహీరాబాద్ నిమ్జ్‌కు నిధులు ఇవ్వండి : కేటీఆర్
