కరోనా మహమ్మారి ఎలాంటి లక్షణాలు లేకుండా కూడా వ్యాపిస్తున్నందున ప్రైవేటు ఆస్పత్రుల్లో సైతం పరీక్షలు చేసేందుకు అనుమతి ఇవ్వాలని కోరుతూ... ప్రైవేటు ఆస్పత్రుల అసోసియేషన్ సభ్యులు బీఆర్కే భవన్లో మంత్రి ఈటలను కోరారు. ఈ మేరకు మంత్రికి వినతిపత్రాన్ని అందజేశారు. ఇకపై రోగులకు ఎలాంటి చికిత్స ఇవ్వాలన్నా ముందుగా కరోనా పరీక్షలు చేయాల్సిన పరిస్థితి ఏర్పడిందన్నారు. కాబట్టి ప్రైవేటు ఆస్పత్రుల్లో కరోనాకు సంబంధించి ర్యాపిడ్ టెస్ట్లు చేసేందుకు అనుమతి ఇవ్వాలని కోరారు.
కొన్ని ప్రైవేటు ఆస్పత్రులను పలు కారణాలతో సీజ్ చేస్తున్నారని ఇది సరికాదని ప్రైవేటు ఆస్పత్రుల ప్రతినిధులు పేర్కొన్నారు. ఇక ఆస్పత్రుల్లో పనిచేసే స్టాఫ్ పీఎఫ్ కట్టాలని కేంద్రం నుంచి నోటీస్లు వచ్చాయని తెలిపారు. దీనిపై కూడా రాష్ట్ర ప్రభుత్వం చొరవతీసుకుని పీఎఫ్ కట్టకుండా సహాయం చేయాలని కోరారు. ప్రభుత్వ వైద్యులకు ఇచ్చినట్టే తమకు 50 లక్షల ఇన్సూరెన్స్ కల్పించాలని డిమాండ్ చేశారు.
ఇదీ చదవండి:కరోనా మృతుల పక్కనే సాధారణ రోగులకు చికిత్స!
