తెలంగాణ గిరిజన వర్సిటీకి చట్టబద్ధత - రాష్ట్రపతి ద్రౌపది ముర్ము ఆమోదం

President Approval To Mulugu Sammakka Sarakka university : తెలంగాణ గిరిపుత్రులు వేచిచూస్తున్న గిరిజన యూనివర్సిటీకి చట్టబద్ధత లభించింది. సమక్క-సారక్క కేంద్ర గిరిజన విశ్వవిద్యాలయం పేరును చేరుస్తూ విద్యాశాఖ బిల్లును ప్రవేశ పెట్టింది. ఈ బిల్లుకు ఇప్పటికే లోక్‌సభ, రాజ్యసభ ఆమోదం పొందగా, తాజాగా రాష్ట్రపతి కూడా ఆమోదముద్ర వేశారు.

President Approval To Mulugu Sammakka Sarakka university : తెలంగాణ గిరిజన వర్సిటీకి చట్టబద్ధత లభించింది. కేంద్ర విశ్వవిద్యాలయాల చట్టం-2009లో తెలంగాణలోని ములుగు జిల్లాలో ఏర్పాట చేస్తున్న సమక్క సారక్క కేంద్ర గిరిజన విశ్వవిద్యాలయం పేరును చేరుస్తూ విద్యాశాఖ ప్రవేశపెట్టింది. సవరణ బిల్లు లోక్‌బభలో ఈనెల 7న, రాజ్యసభలో 13న ఆమోందం పొందింది. ఆ బిల్లుకు రాష్ట్రపతి ద్రౌపదీ ముర్ము సోమవారం ఆమోదముద్ర వేయడంతో అది చట్టరూపం దాల్చింది. ఈ మేరకు న్యాయశాఖ గెజిట్ నోటిఫికేషన్ జారీ చేసింది.

Mulugu Sammakka Sarakka university Bill is Passed in Parliament 2023 : తెలంగాణలో గిరిజన కేంద్ర విశ్వవిద్యాలయాన్ని ఏర్పాటు చేస్తామని ఆంధ్రప్రదేశ్ విభజన చట్టం-2014లో కేంద్రం హామీ ఇచ్చింది. ఎన్నో ఏళ్లుగా వేచిచూస్తున్న ఈ విశ్వవిద్యాలయం ఏర్పాటు అవుతుందా లేదా అనే సందిగ్దంలో రాష్ట్ర సర్కార్ ఉంది. ఈ సమయంలో ఇటీవల అసెంబ్లీ ఎన్నికల ప్రచారంలో భాగంగా ప్రధాని మోదీ చేసిన ప్రకటనతో సుదీర్ఘ కాలంగా ఉన్న అపోహలకు తెరపడింది.

Parliament Passed Mulugu Sammakka Sarakka university Bill : మోదీ ప్రకటన తర్వాత ఇటీవల పార్లమెంటులో కేంద్రం ఈ బిల్లును ప్రవేశపెట్టింది. ఈ బిల్లుకు ఉభయసభలతో పాటు రాష్ట్రపతి ఆమోద ముద్ర వేయడంతో చట్టరూపం దాల్చింది. 7 ఏళ్లలో రెండు దశల్లో రూ.889.07 కోట్లు ఖర్చు చేయనున్నట్లు ఇటీవల పార్లమెంటులో కేంద్ర విద్యాశాఖ మంత్రి తెలిపారు. ఈ ఖర్చు మొత్తాన్ని కేంద్ర విద్యాశాఖ బడ్జెట్ రూపంలో అందిస్తుందని వివరించారు.

ఈ యూనివర్సిటీ కోసం ములుగు సమీపంలోని గట్టమ్మ గుడి పరిసక ప్రాంతాల్లో 335 ఎకరాల స్థలాన్ని కోసం సేకరించారు. భూ సేకరణ కోసం గిరిజన సంక్షేమశాఖ రూ.10 కోట్లను కేటాయించింది. పలుమార్లు హైదరాబాద్ సెంట్రల్ వర్సిటీ ప్రతినిధులు వచ్చి స్థలాన్ని పరిశీలించి, నిర్మాణానికి అనువుగానే ఉందని నిర్ధారించి సంతృప్తి చెందారు.

రాష్ట్ర విభజనకాలం నాటి కల సాకారం అవుతుండటంతో తమ ప్రాంతం మరింత అభివృద్ధి చెందటమే కాకుండా, విద్యావకాశాలు మరింత మెరుగుపడతాయని గిరిజన, ఆదివాసీ సంఘాలు భావిస్తున్నాయి. స్థానికులకు ప్రాధాన్యత ఇవ్వాలని స్థానికులు ఆశాభావం వ్యక్తం చేస్తున్నారు. దీని ఏర్పాటుపై సందేహాలు తొలగినా ప్రవేశాల విషయంలో ఇంకా ఎలాంటి నిర్ణయం రాకపోవడంతో విద్యార్థులు, స్థానికులు సందిగ్ధంలో ఉన్నారు. వర్సిటీ ఏర్పాటుతో ములుగు జిల్లా ముఖచిత్రమే మారిపోయే అవకాశాలు ఉన్నాయని స్థానికులు అంటున్నారు.